برياني

26 12٬048
 

برياني

برياني

برياني

برياني , معكم صديقة زاكي الشيف الموهوبة ,أم جاسم

المقادير

  • دجاجة مقطعه اربع قطع ومنظفة جيدا
  • ارز بسمتي منقوع
  • خضار
  • بهارات كاري وبهارات دجاج
  • فلفل حار
  • ثوم
  • بصل
  • شرائح زنجبيل
  • بندورة
  • بهارات برياني ناعمة او خشنة
  • لبن يوغرت
  • ورق ورد قابل للاكل
  • زبيب
  • خل وزيت زيتون
  • مقادير صلصة الدقوس
  • بندورة حمراء
  • ليمون
  • ثوم

الخطوات

السلام عليكم ورحمة الله وبركاته

تتعدد طرق طبخ البرياني وكل سيدة الها لمساتها الخاصة في الطبخ رح اعطيكم طريقتي الخاصة وان شاء الله تعجبكم.

أولاً/ تجهيز الدجاج

نظفي الدجاجة جيدا واعملي تتبيلة من بصل وثوم وفلفل اخضر وبندورة وخل وزيت وبهارات كاري وبهارات دجاج وبهارات برياني خشنة او ناعمة وملح وفلفل ولبن زبادي ، اضربيهم في الخلاط وتبلي الدجاج فيهم من قبل بيوم او عالاقل 4 ساعات.

ثانياً/ شوي الدجاج

بحب استعمل اكياس الشوي صديقتي في المطبخ عمرها ما كسفتني ولا غدرت في دائما نتائجها مضمونة ورائعة،

بتغبري الكيس بطحين وبتحطي الدجاج مع تتبيلته كلها وبتضيفي فنجان صغير من المي وبتغلقي الكيس وبتحطيه بفرن حامي اول نص ساعة على نار حامية وبعدين خفضي الحرارة عالاخر لمدة ساعة ونصف، بتطلع محمرة جاهزة.

وهون بنقدر ندخنه بعد اكتمال الشوي بنطفي جمرتين بورقة بصل فيها نقاط زيت زيتون وبنغطيه.

ثالثاً/الارز

اثناء شوي الدجاج بالفرن بلشي بتحضير الارز

اول شي بدنا نفرم خضار بصل وثوم وبندورة وفلفل وشرحات زنجبيل نفس خضار شوي الدجاج، وبنبلش نقلبها في زيت ذرة على الغاز بنبدا بالبصل ثم الثوم وبس تطلع ريحته بنحط البهارات كلها وبدنا نحمصها بالزيت لنطلع كل النكهه منها ، بعديها الفلفل والبندورة والزنجبيل واللبن والماجي والزبيب وبنقلب لحتى يتحمصوا كلهم سوا بنحط مي مغليه حسب كمية الارز كل كيلو بده كيلو ونص ماء وبس تغلي بضيف عليها ورق ورد قابل للاكل بينباع عند العطار، وبضيف الارز مابصفي المي من الخضار منظرها حلو نقط صغار بطلعوا وبتعطينا نكهه خرافيه، وكالعادة بس يتشرب الارز المي الزائد عن الوجه بنخفض الحرارة وبنغطي لثلث ساعة، اذا بتحبي طعم التدخين طفي جمرتين بورقة بصل فيها نقاط زيت زيتون وغطي فورا.

رابعاً/ صلصة الدقوس الرائعة

لازم نستخدم بندورة طرية وحمراء بنبرشها عالناعم وبنضيف ثوم مهروس وعصير ليمون ورشة ملح وذوقي الذ دقوس ممكن تجربيه بدون طبخ بدون اي تعقيدات.

ليش برش مش طحن عالخلاط؟

لان الطحن بيطلع رغوة منظرها مش حلو وبفتح لون الصلصة بتصير برتقالي مش احمر بالاضافة انه الطعم مختلف بالبرش.

خامساً/ التقديم

قدمي الارز وفوقه قطع الدجاج المشوي مع رشة زبيب ولوز وسلطة ولبن وصلصة الدقوس وصحة وهنا.

عرض التعليقات (26)