الرئيسة / منوعات / نصيحة من القلب..وصحتكن بالدنيا خلونا نبلش تحدي يلا

نصيحة من القلب..وصحتكن بالدنيا خلونا نبلش تحدي يلا

/
/
/
1693 مشاهدات
 

نصيحة من القلب..وصحتكن بالدنيا خلونا نبلش تحدي يلا

نصيحة من القلب..وصحتكن بالدنيا خلونا نبلش تحدي يلا

نصيحة من القلب..وصحتكن بالدنيا خلونا نبلش تحدي يلا

نصيحة من القلب..وصحتكن بالدنيا خلونا نبلش تحدي يلا , معكم صديقة زاكي الشيف الموهوبة ,

نصائح قيمة بتغير حياتك
اخواتي بعد صيام 16 ساعة والامور تمام بيأذن المغرب وبيبلشو الناس مي تمر عصير خبز طبخ مقبلات سلطات سمبوسة مقالي..يعني كانو رح يخلص الاكل بالدنيا..

الصيام جنة كما قال نبينا ❤محمد ❤عليه الصلاة والسلام..اي حماية ووقاية..

مفهوم الصيام الخاطئ والانتقام من النفس امر عجيب وكأننا نعاقب انفسنا على صيامنا..

طيب شو اعمل انا بكون كتير جوعانة وعطشانة..

لما يأذن كلي تلات تمرات كاسة مي اشربي..

صلي المغرب والسنة

اجلسي مع افراد اسرتك او ازا عندك اطفالك صغار طعميهم..

استني يأذن العشاء صلي او قبل الاذان بشوي بتكوني محضرة طبقك المكون من نصف الصحن سلطة وربع نشويات مثل ارز بطاطا وربع لحمة او دجاج سمك..

شو ماكانت الطبخة خدي الصحي والمناسب الك..وبعدها بلشي مشوار شرب الماء ممكن بعد الصلاة المشي او اي نوع رياضة بعدها وجبة خفيفة خالية من النشويات خصار بقوليات فواكه..ماء ..

مو بس بتخسري وزن بتستعيدي طاقة ورشاقة

طيب والحلويات والقطايف

كلي حبة ويفضل بدون حلي بالتمر بالفواكة المجففة..ممكن قطايف بالشوفان حبة

وللي عنجد ناويات ينزلو وزن يفضل المشي،مدة نصف ساعة قبل المغرب..

يلا نبدا وكل وحدة تشوف وزنها ونشوف من هون لاخر رمضان اديش ممكن ننزل..

معلومة ازا حسيتي انو وزنك ثبت وبطل ينزل كل تلات ايام الرابع بزود النشويات بكتر كمية الرز وبعد بيوم برجع للنظام وهيك بنتحايل عالجسم وبيرجع يحرق دهون..

الموفق من وفقه الله..استعينوا بالله

كل وحدة جادة تكتب وزنها واديش ناوية تنزل..

تم بحمد الله والصلاة والسلام على سيدنا ونبينا محمد وعلى آله وصحبه أجمعين

23 تعليقاً

  1. الحمدلله وزني تمام.وبفطر حبة تمر وبصلي وبعدين ببلش الشوربه والسلطة وباكل من الطبق الرئيسي بدون مي لبعد الجلي والحمد لله مابشعر بالضيق

  2. شكرا عالمعلومة اني وزني ٥٥ وهيك مناسب بالعكس انا على رمضان بضعف بدون حمية اكلي مابيتغير مابعرف ليه اللي عندو معلومة يقلي ياها مشان مااضعف 😓😓😓😓

  3. كلنا بنتمنى ننحف…
    بس في شي من كلامك صعب
    صعب نمشي قبل المغرب بنص ساعه
    وصعب نصلي العشا ونرجع للاكل خاصه لانه كل العيله بتجتمع بنفس الوقت

    خلينا ناكل كل شي بس بكميات بسيطه
    والله يوفقنا وننزل

  4. انا شخصيا بفطر كاسة مي وصحن الاكل او تغميس الموجود وما بعمل سمبوسك لانها بدها قلي والقطايف ما ندر اكل نص حبه وما بشرب عصائر ابدا كلها سكريات بكتفي بالمي وبعد الفطور بساعه ساعه ونص قهوه بحليب وخلص ما باكل شي الحمد الله للسحور بس بضل اشرب مي كتير

  5. السلام عليكم رمضان مبارك
    بنتي هيك بتفطر ع3تمرات وكاسه لبن وبتصلي المغرب بعدين بتاكل على الخفيف لا رز ولا خبز
    وانا ناويه على ريجيم قبل رمضان مشان الديسك
    بتسحر موزة و3تمرات
    والفطور بلا رز ولا خبز
    كل يوم صحن تبوله
    وممكن حبة قطايف

  6. اناحامل الشهرين الي فاتو شهر ينزل وزني شهر يزيد بس انابتمنى ينزل لاني صعب انحف بعد الولادة الي عندها غذاء مناسب وصحي للحامل تحكيلي الله يجزيكم الخير

  7. كلامك صحيح واحنا ايضا نفطر علتمر واللبن وبعدها بنصلي المغرب وراه نبدا بتحظير الفطور علمائده ومابنطبخ غير نوع واحد مع المخلالات والسلطات والخضره. نسال الله تقبل صيامنا وقيامنا وغفران ذنوبنا وهدايتنا لكل مايحب ويرضئ. امين رب العالمين

اترك تعليقاً

لن يتم نشر عنوان بريدك الإلكتروني.