لفائف الهيل السويديه طعم ولا اروع

120 8٬215
 

لفائف الهيل السويديه طعم ولا اروع

 لفائف الهيل السويديه طعم ولا اروع

لفائف الهيل السويديه طعم ولا اروع

لفائف الهيل السويديه طعم ولا اروع , معكم صديقة زاكي الشيف الموهوبة ,

المقادير

  • 3 كوب طحين ابيض
  • ممكن نحتاج ربع كوب زياده حسب نوع الطحين
  • كوب حليب سائل دافي
  • معلقه كبيره خميره
  • ربع كوب زبده ذايبه
  • بيضه بدرجه حراره المطبخ
  • معلقه كبيره هيل مطحون
  • ربع كوب سكر
  • مقادير الحشوه بنخلط جميع مقادير الحشوه مع بعض:
  • معلقه كبيره قرفه مطحونه
  • معلقه كبيره هيل مطحون
  • كوب الا ربع زبده طريه
  • مقادير القطر:
  • كوب سكر
  • كوب الا ربع مي
  • عصره صغيره ليمون
  • للزينه للرش على وجه اللفائف:
  • معلقه كبيره سمسم
  • خليط التلميع:
  • بيضه مخفوقه مع معلقه كبيره حليب سائل او معلقه كبيره مي

الخطوات

بسم الله نبدا

بالبدايه بوعاء العجن بنضع الحليب الدافي والسكر وبنحركو ليذوب السكر وبعد هيك بنضيف معلقه الخميره وبنحركها منيح وبتركهم خمس دقايق ليختمرو وبعد هيك بنظيف البيضه والزبده السايحه ومعلقه الهيل المطحون وبنحركهم وبنبلش نظيف الطحين تدريجيا لما تتشكل عنا عجينه متماسكه وناعمه وبنستمر بعجنها اقل اشي من ثمن لعشر دقايق وبنغطيها ببلاستيك غذائي وبنتركها ساعه لتختمر ويتضاعف حجمها وبعد متخمر بنرقها لمستطيل كبير بمساعده رشات صغيره من الطحين وبعد هيك بندهنها بخليط الهيل والقرفه والزبده وبنطوي المستطيل للنص وبسكينه بنعمل اشرطه طويله وبنمسك كل شريط منهم وبنلفو باتجاه معاكس وبعد هيك بنلفها على بعض لتشكل عنا هالشكل الي موضح بالصور

وبنصفهم على صينيه الخبز وبنغطيهم بمنشفه مطبخ نظيفه وبنتركهم نص ساعه يخمرو وبندهنهم بخليط التلميع وبنخبزهم بالفرن عنار هاديه تقريبا 180 درجه لمده ربع ساعه تقريبا لما يوخذو اللون البني من تحت وبنحمر وجهم ليسير لونهم ذهبي وبنطلعهم من الفرن وعطول بندهنهم بالقطر البارد وبنقدمهم باردين او سخنين حسب الطلب والف صحه وهنا بتمنى تجربوها وتعجبكم

طريقة القطر بنغليهم لمده خمس دقايق وبنتركهم يبردو لندهن فيهم اللفايف فور خروجهم من الفرن
ولا تنسوني من فضل دعواتكم الحلوه لاني بأمس الحاجه الها

تحياتي الكم جميعا صديقتكم رشا ام احمد

عرض التعليقات (120)