img
الرئيسة / حلويات / شعيبيات بالقشطة بلون مميز وطعم خيالي

شعيبيات بالقشطة بلون مميز وطعم خيالي

/
/
/
1544 مشاهدات

 

شعيبيات بالقشطة بلون مميز وطعم خيالي

شعيبيات بالقشطة بلون مميز وطعم خيالي

شعيبيات بالقشطة بلون مميز وطعم خيالي

شعيبيات بالقشطة بلون مميز وطعم خيالي, معكم صديقة زاكي الشيف الموهوبة , مرحباااا ياحلوات وصفة اليوم وصفة رااائعة وخصوصا بهالبردات بضمنلكم انو بتعطيكم دفا أحلى من دفا الصوبيات والحرامات كلها ومع كل لقمة تذكرو تقولو ياهومالاليييي هههه مابدي كر زيادة مو من طبعي احكي كتير متل مابتعرفو لهيك حولو نشوف مقادير الوصفة :

المقادير

  • عجينة باف بيستري موجودة بملفي
  • لتر حليب (4 أكواب)
  • ملعقة كبيرة خل
  • ملعقتين ونصف كبيرة نشا
  • ملعقة كبيرة طحين
  • ملعقة ونصف سكر (أنا حطيت ملعقة من قطر الشوندر لأحصل عاللون الزهر الرائع)
  • ملعقة كبيرة قشطة
  • باكيت فانيليا
  • للقطر:
  • كوبين سكر
  • كوب ماء (استخدمت ماء سلق الشوندر لاحصل عاللون المميز)
  • عصرة ليمون

الخطوات

الادمن: رابط عجينة باف بيستري من ملف نور

الخطوات

☆بسم الله الرحمن الرحيم☆

* أول شي منطالع العجينة من الفريزر اذا كنا مفرزينها لتفك شوي ومنشتغل فيها وهية باردة حتى ماتسيح الزبدة

* منجي للحشوة اللذيذة منحط لتر الحليب عالغاز وأول ماتبلش علامات الغليان منضيف الخل ومنحركو مع الحليب ومنخليه دقيقتين عالنار فمنلاقيه بيفصل وبيفرط (متل بعض جماعة هههه)

* منصبو على مصفاية ومنتركو عجنب يبرد ومنجي للخليط التاني

* منحط الحليب مع السكر و النشا والطحين ومندوبهم مع بعض عالبارد ولما يدوبو منيح منحطهم عالغاز ومنحرك باستمرار ليتخن المزيج

* منضيف القشطة والفانيليا والحليب المفروط اللي عم يستنى على جنب ومنطفي الغاز ومنحرك كل شي مع بعضو تمام (صور القشطة هون من وصفة سابقة الي ماعدا اللي فيها لون زهر صورتها مشان اللون)

* منترك الخليط ليبرد شوي وبعدا حان وقت العمل

منفرد قطع العجين ومنحشيها بالقشطة متل مو موضح ومنسكرها منيح حتى ماتطلع القشطة أثناء الشوي

ومكان التسكير منحطو على أسفل الصينية ومندخلهم الفرن المحمى على درجة حرارة 220 ليتشقرو منيح

* بس يستوو منطالعهم ومنسقيهم بالقطر البارد وبعدا بصيرو جاهزين للالتهام وانتو حرين تاكلوهن وهنن دافيين او باردين وانا حرة كمان باكل بكل الأحوال مابضوع عليي شي ههههه

* طبعا مارح احكيلكن شي عن الطعم والقرمشة واللون لأنو شي مابينحكى بصراحة ومن سمع ليس كمن رأى ههههه

وان شاء الله بتجربوها وبتدعولييييي دعوات حلوة متلكن..

ملاااااااااااحظة

((العجعوجات اللي معانا بنصحكن ماتاكلو اكتر من قطعة وحدة وبعتولي الباقي انا بتصرف فيهن))

99 تعليقاً

  1. يا عيني يا عيني..شنو هالجمال..يعطيكي العافية يا عسل…
    وين مختفيه انتي…زمااااان القمر ما بان..لا احنا العجعوجات بدنا ناكل اكتر من وحده..احنا قابلين خيتو🤪🥴😉😋

  2. ي هلاااا ب نوارتنااااااا
    وينك من زمااااان عنك والله أشتقنالك..

    بماانو انتي مقصره ومختفيه عنااا
    لازم ترسلي صحن حلووو مثلك ع السعوديه
    لاجل ماتغيبي عنا مره ثانيه
    😋😂

    بجد مبدعه دائماااااا ولك طابع خاص ومميز سبحان الله
    ماشاءالله عليك ربي يمتعك بالصحه والعافيه
    ويحقق لك كل امانيك يارب

    ❤️
    لاتغيبي ارجعي 🙄

  3. مبدعة بكل ما تعنيه الكلمة من معنى فعلا وصفة مميزة بتشهي من تحت دياتك

    وبما انو انا مو من العجعوجات فرح جربها واكول منها قد ما بدي😉😉

    • واخييييرا ام علاء الغالية الحنونة حبيبة القلب نورتني بكلماتها ودعواتها
      اشتقتلك كتير كتير كتيييير
      ماكنت عرفانة انك رجعتيلنا
      نورتي ياعمري والله نطف قلبي عليكي وماغبتي عن بالي⁦♥️⁩
      طمنيني عنك وعن الاهل كيف حالكم

  4. ماشاء الله عليك يا نور وعلى وصفتك اللي بتشهي ياسلاااام على الوصفة اللي فيها قطر بتلبق للجو الشتوي.. ومع ديكوراتك الرومانسية من ورود وإضاءة.. هيك بتكوني حطيتي بصمتك اللي بتدل على ذوقك الراقي وجمال روحك
    يسلموا إيديك حبيبتي على هالوصفة اللي بتشهي
    صحة وهنا 🌹🌹

    • عقلبك ام صبحي الغالية يلي بتشبه النسيم العليل بلطافة مرورها علينا
      ربي يكرمك ويكرمك ويكرمك ويرزقك سعادة الدارين متل مابتسعدينا ببصمتك الحلوة😘
      عيونك وروحك الطيبة اللي بشوفو الجمال بكل شي اللهم بارك⁦♥️⁩

  5. ابدعتي يا عسل….. شو هالجمال والاناقة والرقي عنجد انك فنانه ورايقه بالتصوير والتزيين…. وصفتك رائعة واكيد الطعم رائع…. تسلم ايدك يا وردة شكرا الك حبيبي 😍

  6. مييية مرحبا حبيبتي فيك وبشعيبياتك اللذيذات
    اللهم بارك .. روعة بالتقديم وروعة بالتصوير
    ذوق وأناقة ورتابة كالعادة
    تسلم إيدك ويعطيك العافية يا رب

  7. أم نبيل
    روووووووووعة ما شاء الله عنك يسلمو ايديكي ويعطيكي العافيه زاااكيه كتيييير وسهلة مع عجينة البف باستري، وأسرع من لما تعجنيها بالبيت
    بصراحه الألوان والشكل والتصوير كله بجننننننننن 😍 😍 😍 😍

    • انتي اللي بتجننييييييي يا احلى أم نبيل
      دخيل قلبك انتي وحكياتك شو بحبن😍
      اي صح الباف بيستري الجاهزة اسرع بس جربي البيتية على طريقتي طعمتها مميزة كتييير ورح تعجبك اكتر من الجاهزة ان شاء الله 😋

  8. نووووووور يا قلبي أول شي كيفك شو اخبارك طمنيني عنك ان شاء الله انك بخير وينك مختفية والى انا المختفية الي فترة مش عارفة مين بالززززبط لأنو بصراحة الفترة هاي مو مرتاحة وفي أشياء شاغليتني بفوت بطلطل ع الصبايا وبطلع حتى وصفات زمان الي ما نزلت ان شاء الله حرجع أنزل عن قريب بس انتوووووووو يا أخواتي وحبيبات قلبي ادعولي ربي يهدي بالي

    وتااااااااني شي شو هالوصفة الي فووووق الخيال قمة في الأناقة والترتيب والروووووعة والزكاوة منظرها بيحكي تعي يا أم عمرو ذوقيني حرام ما تيجي بتروح عليكي وانا ما رح أفشلها ههههههههههههه ربي يحفظك ويحميكي يا قلبي ويسلم هالديات الي بيلتفو بالذهب

  9. بسم الله ما شاء الله تبارك الرحمن شو هالجمال والروعه دي تألق وإبداع وتميز كالعاده أللهم بارك صحه وعافيه يا قلبي 😘💖
    ربي يسلم ديادك ويبارك فيهم ويعطيكي الصحه والعافيه
    الديكور والصور روووووعه الله يحميكي يا وردتي😙🌹

  10. نفسي أكتب جريده
    لكن الوقت ضيق
    بقلك ياالغاليه على قلبي أختي نور هذه الكلمتين
    أنتي كنتي تدرسي آداب ولا أنا غلطانه
    طيب والهندسه والفن هذا لمن تركتيه يُدرس
    .

    • ههههههههههه ياقلبييييي انتي ربي يجبر خاطرك ويرفع قدرك بالدنيا والآخرة يارب😘
      لا مالك غلطانة كنت ادرس أدب عربي بس للأمانة سجلتها لأنو مابدها دوام اما رغبتي فكانت للهندسة سبحان الله وكنت جايبة علاماتها بس بسبب الحرب عنا ما سجلتها لانو اهلي رفضو تماما اني داوم خوفا عليي قام فشيت خلقي بالوصفات😂😂
      ممنونتك كتير على دعمك
      والله مابتتخيلي كلماتك قديه بتعنيلي⁦♥️⁩

  11. ما شالله تبارك الرحمن الله يعطيك العافيه يا قمره الوصف مابيعطيك حقك الشكل تحفه وهضامتك لوحدها حكايه اما الديكوريشن حكايه شهيتيني شوف بيتك 😊اللهم بارك 😘

    • ههههههه ام جودي يا اميرة ربي يسلمك ويسعد قلبك وخاطرك متل مابتفرحيني بتعليقاتك اللطيفة على طول😍
      من بعدك انا حبي😘
      يلا حولي زيارة لورجيكي كل شي هههههه
      عفكرة بيتي كتير منمم ومكنكن 😁

  12. اويل ويلاااااه ما هذا الذي اراه لا اصدق عيني وهل انا المقصودة يا عجعوجة انتي اثرتي بمشاعر كروشتي هيك 🥺🥺🥺
    عنجد شكل خراااااااااافي لا يقاوم بس والله مشكلة اعمل واتعب ع هيك حلو وما أكل والله كارثة هاي والله كرشي ما رح يسامحني طول حياتي 😂😂😂😂😂😂😂😂😂
    بس عنجد يسلم ايديكي يا احلى عجعوجة بزاكي 😚😚😚😚😚😍😍😍😍😍😍

اترك تعليقاً

لن يتم نشر عنوان بريدك الإلكتروني.