أفخاذ دجاج مشوي على الحطب بتتبيلة زاكية على ذوقي

المقادير

• قطع دجاج فخاذ أو سفاين أو حتى دجاجة كاملة والكمية حسب الرغبة أنا استعملت فخاذ الدجاج
• بصل يابس
• التتبيلة عبارة عن :
• ثلاث أو أربع حبات ليمون
• كوب كبير لبن رايب
• كوب مية
• بندورة
• نص راس ثوم
• معلقتين وسط بهارات مشكلة
• معلقة كبيرة فلفل أسود
• نص معلقة كركم
• معلقة كبيرة ملح
• قرنين فلفل أحمر حار
• قرن فلفل أخضر عادي
• فنجان زيت زيتون

الخطوات

أول شي كيفكم ان شاء الكل يكون بخير وربنا يفرجها على الجميع ويزيل عنا البلاء والوباء ثاني شي باركولي انتقلت والحمدلله لبيتي الجديد

أما الوصفة بسيطة ومعروفة بنحط المقادير كلها مع الثوم طبعا بعد تقشيره بالخلاط وبعد ما تجهز الخلطة بنتيل فيها الجاج بعد ما نعمل فيه شقوق بالسكين وبنحطه بجاط وبنغطيه لثاني يوم

ثاني يوم بنصفطه على مشابك الشوي وبنحضر الحطب عالمنقل وبنشويهم مع سيخ أو سيخين بصل وبنقدمه مع لبن رايب وخبز مشروح وبس هاي هاي كل السولافة

وصحة وهنااااااا