طريقة عمل معمول بذوب بالفم بالفيديو
معكم صديقة زاكي المميزة غالية جعمور
شاهد الطريقة كاملة بالتفصيل بهذا الفيديو, مشاهد ممتعة:
طريقة معمول بدوب بالفم:
كيلو طحين.اي مايعادل ٦ونص كوب. ٣٠٠غ زبده. ١٠٠غ سمنه حيواني. او ٢٠٠ غ زبده و٢٠٠غ سمنه. كل ١٠٠ غ بيعمل نص كوب. كوب زيت ذره. كوب سكر بودره. كوب حليب بودره. ملعقه صغيره بيكينج باودر. ٢ملعقه فانيلا. ٣حبات بيض.
نخفق كل المكونات بالخلاط ماعدا الطحين والبيكنج. وتكون السمنه والزبده لينه بحراره الغرفه. وبس يختلطونضيف الطحين والبيكنج ونعجن بخفه بإيدنا. اذا حسيتو انو بيلزم طحين كمان شوي حطو لانو انواع الطحين بتختلف في شي مابياخد مي كتير وفي شي بياخد مي وسوائل. واذا ناشفه ممكن اضيفي شويه سمنه او مي بس عالاغلب ماتحتاجو وبحط العجينه بالبراد ربع ساعه وبطلعها وبشتغل فيها.
الحشوه. كيلوه عجوه مطحونه ونقو نوع طري بحطلا معلقتين كبيره سمنه حيواني وملعقتين سمسم ونص ملعقه قرفه ونص ملعقه جوزه الطيب مطحون ممكن الاستغناء عنو.
طريقه التشكيل وهاد من اختراعي يلي ماعندها منقش ولا قالب ولأنو بصراحه ماعم تطبع الرسمه وعم بنعاني من انو الشكل يروح فبتحتاجي اي غطى عندك تبع بهار واي شي مكور انا استخدمت غطا نكاشات الاسنان وبتحتاجي قمع تبع الكريمه يلي بكونو اسنانو بارزه لبره. وبفرد قطعه عجين على نايلون وبحط كوره عجوه وبلملمها وبكورها وبحطها مع النايلون بالغطا وبشيلها وبنقش بقمع الكريمه.
حمي الفرن واخبزيهم على الرف الوسطاني دوجه حراره وسط يعني ١٦٠ اذا كان عندك كتير واطي ال١٦٠ علي اكتر شوي. وماتخلوها تتحمر كتير بس يصير من تحت زهري شيليه واشوي دقيقه من فوق ليعطي يدووب لون. وطلعو واتركو يبرد. في ملاحظه لاتخافي بس يطلع ببين بعضن انو مشقق بس اتركيه يبرد التشققات كلهاا بتروح. ادعولي Ghalia jamour
بتحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي