سلسلة معاً نحو الرشاقة

310 12٬276

سلسلة معاً نحو الرشاقة
مرحبا يا أهلي بعد أهلي يا أحلى شلة في الكون شلة الأنس, اليوم حابة أنقل لكم تجربتي الخاصة لكي أنحف, لكن هالمرة مختلفة مش راح أحكيلكم هذا الريجيم ولا النظام الغذائي اللي مشيت فيه, وأنا نحفت وشوية إرادة يابنات, لأ أبداااااا,
أنا اليوم بدي نطبق سوا ومع بعض تجربة حية وحقيقة, لكلنا نخس ونصير رشاقات مع بعض ونشجع بعض, يالله همتكم في التعليقات, لو لئيت تشجيع أكيد راح أكمل باقي السلسلة

سلسلة معاً نحو الرشاقة
سلسلة معاً نحو الرشاقة

أنا مبارح رحت على دكتور أخصائي تغذية, وزني 81 كيلو جرام, وطولي 165 وعمري 25, وأنا متزوجه وما بشتغل, حابة أحكيلك كل التفاصيل, عشان كل وحدة قريبة من المواصفات هذه طبق الريجيم ونبدا مع بعض, لو كانت عندك سمنة أكثر مو مشكلة أو طول أقل أو أكثر مو مشكلة, أنا  سمنتي متركزة في منطقة الحوض, يعني بالعربي الفصيح ما إلي خصر رفيع لأ منطقة البطن فيها كرش, لهيك اللي بتعاني من هذا الشي تنضم معنا, لأنو الريجيم راح يركز على المنظقه هذه لتصير مشدوده والخصر واااضح

خلونا نبلش بالجد, أول شي لازم تكوني مقتنعة إنو عندك زيادة في الوزن وبدك بجد يصير منظرك أحلى ما أخبي عليكم كيف هلا نفسيتي كتير تعبانة معظم ملابس بطلت تدخل علي, وبدي أتغير من قلبي لهيك كتبت الموضوع لناخد كلنا بإيد بعض

ما بدي أحكي إنو بدنا نعمل ريجيم راح احكي بدنا نعمل نظام غذائي صحي, النظام كتالي:

كل فترة راح نغير فيه لحتى ما نمل, وكله طبعا بإشراف طبي للدكتور متخصص في مجال التغذية:

مدة النظام :
4 أيام, بمجرد ما تقرئي هذا النظام حضري الاغراض اللي ناقصة عندك وفورا ثاني يوم ابدئي تنفيذ النظام’ لمدة 4 أيام  أو اليوم لو حابة

أنا اليوم أول يوم لإلي يعني راح أبدأ من يوم الخميس الموافق 8/9/206 واخر يوم الاحد 11/9/2016 وبعدها راح أرجع للدكتور لنغير النظام حتى الجسم ما يتعود على شي

ملاحظات:
السكر مسموح في المشروبات ويفضل خفيف
الملح خفيف
رياضة نصف ساعة على الاقل

الافطار:
كوب مرمية
وبعد بربع ساعة كوب نسكافيه ممكن بدون سكر أو وضع سكر عليه + صحن قسماط, وممكن استبدال صحن القسماط بحبة تمر

بعد الفطور:
فواكه بأي كمية ولكن نركز على الفواكه التالية لأنها متخصصة في منطقة الحوض:
التفاح+ الأناناس+ الجوافه
وتأكل بأي كمية حتى الشبع

في الضحى:
لبن أب أو لبن عادي يعني زبادي باللهجة المصرية
ممكن تناول من كوب إلى 3 أكواب

قبل الغداء بنصف ساعة:
كوب شاي أخضر أو كوب عصير ليمون عليه سكر

الغداء:
رغيف خبز أسمر+ صحن سلطة كبير+ ( سمك أو تونه أو دجاج أو طبيخ اللوبيا باللحمة بأي كمية)

العشاء:
جوافة + تفاح حتى الشبع

لو جعتي اشربي ماء بكميات كبيرة

ملاحظة لو التزمتي على هذا النظام بحذافيره:
راح تخسري 3-4 كيلو
وراح أبدا من اليوم وانتو فيكم من بكرا أو اليوم متل ما بتحبوا, وبشوفكم في يوم الأحد لأخبرك عن النظام الجديد, دعمكم في التعليقات لأستمر في السلسلة يا شلة الانس العظيمة

صبايا نصيحة مني:
أنا جربتي كتير أشياء وصلت لقناعة, اللي بدها تصير رشيقة ما بنفع تحكي أنا بدي اكل كل شي بس تخفيف’ هذا الشي صح بس بعد نا تنحفي’ هلا لازم تعملي نظام غذائي صحي في الاول لتصلي لوزنك المثالي, وفرصة كبيرة نشجع بعض

الحلقة الثانية من سلسلة معاً نحو الرشاقة اضغط هنا

الحلقة الثالثة من سلسلة معاً نحو الرشاقة اضغط هنا

عرض التعليقات (310)