الرئيسة / حلويات / كنافه بلوريه

كنافه بلوريه

/
/
/
1107 مشاهدات

كنافه بلوريه
معكم صديقة زاكي المميزة الشيف WISSAM ALHAYALI

كنافه بلوريه

المقادير

  • نص كيلو كنافه..
    كوبين كبار فستق عضم(فستق حلب.)
    شيره او (شربات او قطر)يكون قوامه ثقيل.
    شوية ماي زهر.

الخطوات

طبعآ هذه الوصفه دائمآ تكون نفس المقادير بس بعض المرات يصير شوية اختلاف بالطريقه..ان شالله هذه الطريقه جدآ سهله.بس تاخذ شوية وقت..وحبيت اوضح شي.انه كل بلد وكل وحده عدها طريقتها الخاصه بالوصفات.بالنسبه الي احب اكتبلكم طريقتي والي تحب تجربها..

نص كيلو كنافه..كوبين كبار فستق عضم(فستق حلب.)شيره او (شربات او قطر)يكون قوامه ثقيل..شوية ماي زهر.

اول شي الكنافه تقطيها قطع وسط اهم شي ماتكون مقطعه ناعم ولا على طوله.تفتحيها بأيديكي جيد يعني لاتخليها متلاصقه وتحضرين صينيه تدهنيها ماكثير اهم شي يكون تتأكدين انه ماتلزق..تخلين كميه من الكنافه طبقه وسط لاثخينه واتدوسيها بأيديكي جيد جدآ وخلي صينيه بنفس الحجم فوقها بس خليها بضهرها نايلون حتى لاتتلزق الكنافه..وضلي دوسي من كل الجوانب حتى تنكبس .بعدين الفستق بس تكسريه لاتطحني وخلي فوقه نص كوب من الشيره(شربات.او قطر)مع معلقه حجم وسط ماي زهر.

وتخلطيها مجرد الفستق يتلاصق مع بعضو..تصفين الفستق فوق طبقة الكنافه ودوسين بأيديكي.حاولي تخلين الفستق طبقه اكثر من طبقات الكنافه..بعدين تغطيها بطبقه ثانيه من الكنافه تكون ماثخينه.وبالفرشه خلي شوية شيره ونقطي عليها لاكثير.يعني تقريبآ معلقتين طعام. توزعيه عليها.وتدوسين جيد جدآ وبنفس الحاله خلي صينه بنفس الحجم ودوسي والافضل خلي دست(قدر) بي ماي وخليه فوقها يكون بنفس حجم الصينيه.حتى تنكبس من كل الجهات.تعوفيها من ساعتين الى3ساعات والافضل من تعوفيها فوقها الثقل يوم كامل.اهم شي يكون فوقها ثقل حتى تنكبس.بعد ماتشوفيها انكبست وصارت قالب.شغلي الفرن فوق وجوا.بدرجة حراره 150ودخليها تكون تحت الوسط.وخليها تقريبآ20دقيقه. اهم شي درجة الحراره لاعاليه لأن انريدها بس تنشف بالفرن.ومانريدها تتحمص لأن هذه الوصفه ضروري يكون لونها فاتح.بعدين اسقيها بالشيره(القطر) شي بسيط امسحيها بطبقه مناسبه.وتعوفيها شويه تخف حرارتها.وتقطعيها. طعمها روعه.

عاشت ايدي.وسام الحيالي

45 تعليقاً

  1. في عندي تعليق بسيط خارج نطاق الاكل
    ياريت لو تكبروا الخط شويه مش عم اقدر اقرء حتى وانا لابس النظاره ومشكورين جدا

    • بتقدري تكبري الخط بالضغط على الزر A+ في أعلى الوصفة ولو ما كان عندك هتلاقي زر ثلاث نقاط أفقيات اضغطي عليه ستظهرلك قائمة منسدلة اختاري منها تكبير الخط كرري هذه العملية إلى أن تصلي لحجم خط مناسب لعينك

  2. كل عام والعالم الإسلامي بخير بمناسبة عيد الأضحى ? المبارك يارب أحفظ المسلمين و المسلمات و أعم السلام في جميع البلدان العربية

  3. عيدكم مبارك وكل الامه العربيه والاسلاميه بالف خير وبلدنا الحبيب الاردن بامن وامان و يعطيكي العافيه

  4. عاشت ايدج كلبي وكل عام وانتو بخير وانشاءالله يعم الأمن والأمان بالعراق وينصرهم على القوم الضالمين

اترك تعليقاً

لن يتم نشر عنوان بريدك الإلكتروني.