سر الكيك الاسفنجي يخبرنا عنه الشيف شعبان

سر الكيك الاسفنجي يخبرنا عنه الشيف شعبان
معكم صديق زاكي المميز الشيف شيف شعبان ابو العز‎

المقادير
6 بيضات كوب سكر مش مطحون
كوبايتين دقيق كوب ماء
فانيليا ومعلقة صغيرة بكنج بودر
واهم حاجة معلقة كبيرة محسن كيك

الطريقة
هنضيف كل المقادير على بعضها
اللى هى السكر والبيض والفانيليا ومحسن الكيك
وهاتيك يا ضرب فيها لغاية ما تتقل وتملى الطبق ومتخافيش ان شاء الله مش هاتهبط وبعدين لو احتاجت الميه نحط ماحتجتش بلاش ميه خالص
طبعا لازم مضرب كهربى
وطبعا تكونى ناخلة الدقيق والبكنج بودر
وتضيفى شوية بشوية وانتى بتضربى بالمضرب على السرعة الهادي
ومتخافيش مش بتهبط ولا بتتعبك خالص
وتكونى مسخنة الفرن من قبل ماتشتغلى وتدخليها تقريبا على حرارة 200 او على حسب فرنك
التورتة الاسفنجية بتحب الحرارة الهادية بس مش هادية اوى يعنى
واوعى تفتحى الفرن قبل تلت ساعة وتكون فتحة صغيرة ولما تستوى اقلبها على منخل سلك
وسبيها تبرد خالص وبعدين قطعيها وزوقيها طبعا كل واحدة وزوقها
طريقة الكريمه نصف كيلو كريم شانتيه
نصف كوب سكر بودرة
ملعقة صغيرة فانيليا
نصف كوب ماء

الطريقة
ضعى المقادير كلها فى سلطانية من الصينى و تضرب المقادير كلها
بالمضرب السلك ولكن ببطء لكى تتماسك الكريمة و بمجرد ما يغلظ قوامها كفى عن ضربها
حتى لا تكون زبد .
ضعى الكريمة فى الفريزر لحين استعمالها لتعملى احلى تورتة
عجينة السكر م.ك. عسل ابيض
2 م.ك. ماء
1 م.ص. جيلاتين بودر
سكر بودرة منخول 3 مرات او سكر ايسنج
(حوالى كوبين الى 3 اكواب حسب العجينة )
فانيليا
الطريقة..
نضع العسل + الماء + الجيلاتين على نار هادئة
حتى يذوب و لا يغلى يعنى مايغليش
وبعدين تنزل بالسكر وتقلب لما تكون العجينه متماسكه وفرجونى التزيين
اما اللى حضراتكم بتقولو عليه صوص احمر او اصفر او دهبى او اى لون فده جيلى تلميع اى لون بقى بتحبوه والشوكولاته دي اسمها ورق طرانزفير فرم تسيحي الشيكولاته وتصبيها فيها