طريقة عمل الجبنة البيضاء خطوة بخطوة اكتبي تم لتنضمي فورا للدرس
طريقة عمل الجبنة البيضاء خطوة بخطوة اكتبي تم لتنضمي فورا للدرس
معكم صديقة زاكي الشيف الموهوبة Renad Shream
جربت واعملت جبنة بيضه طلعت طيبه وسهله بس اعملت ع مرتين لانو كميه الكيس طلعت قليله فعملت كيسين ثانيين.. المهم الطريقه راح اكتبها للي بحب
كيس حليب بودره بكون مكتوب من 800 الي1000 غرام مابتفرق بتدفي مع لترين ونص مي وبس يدفى وتتحملها ايدك جيبي كيس منفحه من الصيدليه ذوبي بنص فنجان قهوه مي وحطيهم عال حليب وحركي تقريبا 5او6مرات راح يتكون جبن ع طول بتغطي واتركي 6 ساعات مدفي
بعد هالوقت راح يتكون لوح كامل من الجبن وحواليه مي بتجيبي مصفاي جواها شاش وخدي كل الجبن اللي تكون وحطيهم جوة الشاش راح يتصفى مي كثير بس يصفى حطي فوقهم ثقل انا حطيتي مرتبان مخلل لمده يوم
ثاني يوم بتكون الجبنه مسكت قطعيهم مثل مابتحبي الحجم وملحي بملح كويس واتركيهم يومين او ثلاث ليتصفى ميتهم بتيجي المرحله الاخيره بتغلي مي وحطي معاهم صره فيها مستكه ومحلب وحطي الجبن فيها لمده 10 دقايق بتحسيها طريت شوي مو كثير بتنشليهم من المي السخنه عالمي البارد وبتحطيهم بالمرتبان والمي اللي غليتي فيها الجبن لاتكبيها برديها تماما وزيدي عليها ملح ع طشه البيضه وبتحطيها عالجبن وصحتين وعافيه …..
