img
الرئيسة / أطباق رئيسية / كبسة سريعة

كبسة سريعة

/
/
/
2692 مشاهدات

 

كبسة سريعة

كبستي السريعة😄

كبسة سريعة

كبسة سريعة, معكم صديقة زاكي الشيف الموهوبة ,نور أحمد

المقادير

  • كمية لحمة شقف حسب الرغبة
  • بهارات صحيحة لسلق اللحمة حسب الرغبة
  • كمية من الأرز البسمتي حسب الرغبة
  • بصل وتوم وفليفلة خضرا وبندورة كمان حسب الرغبة
  • بهارات كبسة وشوية كركم وفلفل اسود وملح حسب الرغبة
  • كمية خليط من الزبدة او السمنة مع شوية زيت نباتي للحمة وللرز كمان حسب الرغبة
  • واذا بتحبو بلف وبرجع بسكت و ببطل نزل وصفات كمان حسب الرغبة😅😅 لا بمزح قاعدة على قلوبكم😛

الخطوات

بسم الله الرحمن الرحيم

اول شي منحمي شوية زبدة أو سمنة مع زيت ومنحمص فيهم قطع اللحمة (هالخطوة بتعطي نكهة اطيب للحمة ومابتخلي يطلع نكهة زناخة) وبس تتحمر شوي منضيف مي مغلية واذا طلع شوية زفرة منقيمن ومنضيف البهار الحب ومنتركها عالنار لحتى تناديلكم وتقلكم حرام عليكم كفاية كده

“وطبعا اكيد لاحظتو اني لخبطت وضفت البهار الحب مع اللحم قبل المي”

اما بالنسبة للرز كمان منسخن خليط من الزبدة او السمنة مع شوية زيت نباتي ومنحط بهارات الكبسة مع الكركم والملح والفلفل ومنحمصهن شوي ومنطحن الخضار كلها بمحضرة الطعام (كمية الخضار انتو حددوها لانو في ناس بتحب الصلصة تقيلة وناس خفيفة بالنسبة الي بكمية الخضار اللي بالصورة بطبخ 3 كاسات رز) ومنضيفها عالطنجرة ومنضيف من مرقة اللحمة (ممكن نص مرقة لحمة ونص مي مغلية لحتى ماتكون تقيلة كتير وانا هيك بعمل) ومنعدل الملح حسب الرغبة ومنضيف الرز

منترك الرز يغلي كم دقيقة على نار قوية وبعدها منوطي النار عالأخير ومنتركو يستوي على مهلو وبدون ماتطالعو ولا صوت تركوه براحتو لو سمحتو

وبعد ما يستوي منطفي النار ومنتركو يتهدى كمان كم دقيقة وبعدها صبوه وضيفو اللحم فوقو واذا بتحبو اي اضافة تانية وشمرو عن سواعدكم وماتنسو تدعولي

وصحة والف هنا


41 تعليقاً

  1. يسلملي قلبك يانور مھضومة بلف وبرجع حسب الرغبة قبل ماشوف الوصفة عملتلا اضافة الى المفضلة اللھ يسلم ايديكي بتشھي

  2. تسلمولي يا حبايب تعليقاتكم اللي بتجنن😙😙
    ام تيم خجلتيني ياعمري
    المشكلة عند طريقة التحضير انا حاطة سمايلات فمابعرف ليش زاكي اكلهم😁
    يعني اكيد لاتسدقوني وما تطالعو ولا صوت اثناء طبخ الرز كان في سمايلات ضاحكة بس طايرين😅😅

  3. ما شاء الله بتعجبيني يانور حاسه انك بنت زغيره بالعمر بس كبيره بالعمل والفعل اكلاتك رزووووعه الله يحميكي لاهلك يا رب ويبارك بعمرك👍👍👌

  4. رشا ياعمري مي توووو ههههههه😙😙
    ام عامر الله يسعدك كل الرغبات بهالاكلة طيبة😁
    ام علاء يا غالية الله يكرمك ويفرح قلبك متل مابتفرحي الكل بتعليقاتك الطيبة
    يعني انا 23 وشويات مابعرف اذا هيك اعتبر صغيرة ولا كبيرة😅 بس يارب يكون صغيرة😆
    شهودة تكرم عينك انا اللي بعزمك بس مقابل خبز الفتوت😈 شو بدنا نعمل هيك الرغبة يابنتي😂
    رشا رشا من بعد حلا وصفاتك يا مبدعة😍😘
    والصبايا الحلوات الله يعافيكم ويسلملي ياكم زيسعد قلبكم شو بحبكمممممم❤❤

  5. ام عبد الرحمن ولين وياسمينة
    الله يسلمكم ياقلبي😘😘
    تحرير ليكني عم استناكي برد الاكل وماكنتي توصلي😁

  6. الله يسلمكم جميعاً يا احلى صبايا 😙😙 شايفة ام مثنى مافي اسهل من هيك😁
    ام محمد من فلسطين تكرم عينك😘
    بتقلي بصلتين كبار مفرومين ناعم مع 4 فصوص توم مدقوقين بنص كاسة كبيرة زيت زيتون طبخ
    وبس يدبلو بتحطي 5 بندورات مفرومين ناعم بتقلبيهن شوي و بتحطي 2 فليفلة خضرا مفرومة ناعم وملح ورشة فلفل
    وكيلو رز منقوع حوالي ساعتين ونص كاسة كبيرة مي وملعقة كبيرة نعنع يابس وملعقة كبيرة دبس بندورة وبتقلبين دقيقتين تلاتة لتنشف ميتهن شوي وبتطفي تحتن وبتحطي باقة بقدونس مفرومة
    وبتقلبيها معهن وبس تبرد الحشوة بتحشي
    بالنسبة للمرقة بتحطي
    معلقتين كبار دبس رمان
    معلقة كبيرة دبس بندورة
    نص ليمونة
    ملح
    وصحة وعوافي😘😘
    اذا حبيتيها رجعي طمنيني😄

  7. نور يسلمووووو ايديكي رؤؤوووووووعه عنجد والله يعطيكي العافيه المنظر يشهيي ويجنن رؤؤوووووووعه ماشاء الله تبارك الله والله فتحتي نفسي 😁😁😁😁😁بدي تبعثيلي صحن😊😊😊😊😊😊😊

  8. ربى😘
    نور عمر تسلميلي حبيبتي غمرتيني بلطفك.. الله يعافيكي ويسلمك وياريت فيني اعطيكي الطبخة كلها عحسابك😁😙

اترك تعليقاً

لن يتم نشر عنوان بريدك الإلكتروني.