img
الرئيسة / أطباق رئيسية / دجاج بالفرن رووووعة

دجاج بالفرن رووووعة

/
/
/
5484 مشاهدات

 

دجاج بالفرن رووووعة

دجاج بالفرن رووووعة ♡_♡

دجاج بالفرن رووووعة

دجاج بالفرن رووووعة , معكم صديقة زاكي الشيف الموهوبة ,نور أحمد

المقادير

  • لكيلو صدور دجاج أو دبابيس أو أفخاد حسب الرغبة
  • خضار مشكلة حسب الرغبة بس بالنسبة الي بستخدم غالبا (البصل والبطاطا والبندورة والفليفلة بأنواعها كل مرة شكل والجزر وممكن فطر) بلاقيهم انسب شي لهالاكلة وطبعا مو ضروري كل هدول اي شي متوفر منيح
  • للتتبيلة ثلثين كوب لبن + ثلثين كوب زيت + ملعقة كبيرة خل تفاح مخفف + 3 ملاعق عصير ليمون وطبعا الكم حرية التحكم بالمقادير حسب مابتحبو
  • بهارات مشكلة ملح وفلفل أسود وبابريكا وهيل وقرفة مطحونين وبهار جاج وشوية كركم وممكن زنجبيل وشوية كاري او شو مابتحبو يعني مو ضروري كل هدول بس انا هندية ههههههه
  • شوية زيت للخضار

الخطوات

☆بسم الله الرحمن الرحيم☆

هي الطريقة للجاج بالفرن سهلة وسريعة وطيبة فيكم اذا حبيتو تعملو جنبها رز او بتكفي مع خبز وعصرة ليمون يمي يمي

اول شي خلطو البهارات كلهم سوا لانو رح نستخدمهم على قسمين

تاني شي بالنسبة للجاج منغسلو ومنقطعو بالطريقة اللي حابينها ومنعمل فيه ثقوب صغيرة بعود خشب او براس السكينة مشان يتشرب التتبيلة تمام

اما التتبيلة فمنخلط اللبن مع الزيت والخل وعصير الليمون وثلثين من كمية البهارات ومنحط قطع الجاج بالتتبيلة

وبالنسبة للخضار منحط التشكيلة اللي حابينها ومنحطلهم شوية زيت والثلث الباقي من البهارات ومنخلطهم سوا

بعدا منحط الجاج والخضار والتتبيلة طبعا اما بكيس حراري ومنحط معهم شوية مي او بصينية منرتبهم بطريقة حلوة وكمان منحط معهم شوية مي وعالفرن لحتى تستوي تماما

وهنا والف عافية

جربوها اي اي اي اي ههههههه

بحبكم كتيييييير

49 تعليقاً

  1. يسلموووو هالايدين المعدلين يا عيني عليك حبيبتي قلبي نور كل وصفه احلى من التانيه حماك الله
    بسم الله ما شاء الله تبارك الله ربنا يزيدك علم ونور

  2. يسلمو اديكي حبيبتي نور
    بتشهي وبتفتح النفس 😋😋
    ما شاء الله عنك شيف رائعه وعسوله وحبابه كمان 😘😍😘
    الله لا يحرمنا من وصفاتك الطيبه يا نواره زاكي 😘😘

  3. واللھ يانور انك فنانة وطبخاتك بتجنن اللھ يسلم ايديكي عم قول لحالي من وين جايبة الصحة ھھھھ عم امزح االلھ يحميكي

  4. حبيباتي انتو الروعة كلها والله😀
    الله يسعدكم ويفرح قلبكم خجلتوني بكلامكم ولطفكم
    الله مايحرمني منكم ويديم المحبة بيناتنا 😙
    ام علاء يخليلي دعاويكي الحلوة❤
    ام عبد الرحمن ياريتك تجي انتي وكل الصبايا ههههه
    ام تيم يبعتلك الهنا انا كلي 60 كيلو 😂😂 مطالعة صيت الصحة على حالي لاني ماعم اعرف انحف شوي كمان ههههههه
    البنات اللي قالو رح يجربوها فرحت كتير بثقتكم وان شاء الله تحبوها وتدعولي😄😘

اترك رداً على 💖نور أحمد💖 إلغاء الرد

لن يتم نشر عنوان بريدك الإلكتروني.