دجاج بروستد

61 5٬917
 

دجاج بروستد

دجاج بروستد

دجاج بروستد

دجاج بروستد, معكم صديقة زاكي الشيف الموهوبة ,ام علاء ابو يحيى

المقادير

  • دجاجتين مغسولين ومنظفين كويس ومتبلين
  • للتتبيله:
  • لبن رايب اوشنينه
  • صلصه او كتشب
  • ملح
  • فلفل اسود
  • توم مهروس
  • كاري
  • عصير ليمون
  • بصل باودر حسب الرغبه
  • فابريكا
  • بهارات لقلي الدجاج
  • كاسة طحين
  • اربع معالق شوفان حسب الرغبه
  • معلقتين نشا
  • معلقه بكنج باودر

الخطوات

بسم الله الرحمان الرحيم

حبيباتي يسعد اوقاتكم جميعا اينما كنتم

اليوم بدي اقدم الكم طريقة دجاج البروستد مع اني ضد القلي كلنا بنعرف انه مضر بالصحه بس حبيت اكسر القاعده اليوم واقلي الدجاج وهي طريقتي يا رب تعجبكم

اول شي طبعا بنظص

ف الدجاج تنضيف كامل عدة مرات وبنقعه شوي بالملح والخل والليمون لمده نص ساعه وبصفيه من المي وبعدين بقوم بوخز الدجاج بالسكين حتى توصل التتبيله لجميع اجزائه وبعدين ببلش بالتتبيله الرئيسيه بضع الدجاج في جاط عميق بضيفله الشنينه اواللبن الرايب والصلصه والملح والفلفل الاسود والتوم المهروس او الباودر وعصير الليمون وشوية فابريكا وشوية بهارات كاري وشوية زيت زيتون واذا بتحبي بعض الاعشاب الي بتحبيها متل الزعتر الناشف او اكليل الجبل …الروزمري… طبعا بعد ما نفركه كويس

طبعابنترك الجاج منقوع ليله كامله او ست ساعات على الاقل وبعدين بنطلعو من التتبيله في جاط تاني وبنحضركاسة طحين مع معلقتين نشا مع اربع معالق شوفان بخلطهم مع بعض بضيفلم رشة ملح وفلفل اسودومعلقة بهار لقلي الدجاج ومعلقة بكنج باودر واذا بتحبي معلقه صغيره فابريكا حاره وبخلطهم مزبوط وبعدين بنبلش نلف الجاج بالطحين قطعه قطعه حتى ينتهو وبنكون محميين الزيت الغزير طبعا ونبلش نقل الجاج على العالي وبعدين بقلب الجاج وبنوطي الغاز لمدة ربع ساعه او اقل اواكثر حسب ما يستوي الدجاج ويتحمروبنطلعه في صحن التقديم وبنقدموا ساخن مع التبوله والمايونيز او المثومه والسلطات او البطاطا المقليه كله حسب الرغبه انا قدمته مع التبوله والمثومه

الف صحه وهنا

اطال الله اعماركم واحسن اعمالكم وجعلكم من اهل الفردوس الاعلى

عرض التعليقات (61)