img
الرئيسة / منوعات / كراكيشي المتواضعة ملكة التنظيم

كراكيشي المتواضعة ملكة التنظيم

/
/
/
3030 مشاهدات

 

كراكيشي المتواضعة ملكة التنظيم

ملكة التنظيم _ كراكيشي المتواضعة هههههه

كراكيشي المتواضعة ملكة التنظيم

كراكيشي المتواضعة ملكة التنظيم , معكم صديقة زاكي الشيف الموهوبة ,نور أحمد يعني والله من وقت مابلشت اكتب هالوصفة وجاييتني الضحكة حاسة بدي اكتبلكم كرتون مع رشة ملح وشوية بهارات وهيك يعني هههههه لا خلص رح بلش هو مافي شي معقد بس احيانا بكون الي هواية جمع بعض الاشياء واخترع شي علبة بما انو روح قلبي العلب للتنظيم يعني فيكم تقولو هواية بسيطة فحبيت شارككم بعض اشغالي اللي بتمنى تاخدو ولو فكرة بسيطة منها..

المقادير

  • بدنا كرتون لأي غرض ممكن نشتريه للبيت ويجي بكرتونة سميكة شوي نوعا ما انا بستغل علب الأحذية أجلكم الله ههههه او علب الاجهزة الكهربائية او ادوات المطبخ او شو مابتحبو ماتتقيدو شو ماتوفر منيح
  • وبستخدم قماش لاي كنزة او قميص او بنطلون قديم عندكم او مشقوق ومابقى بدكم ياه مو ضروري تحولوه لممسحة ههههههه لبسو فيه الكرتونة المذكورة لتحصلو على علبة تضبو فيها غراض وترتبوهم متل ما انا عملت وبدون اي تكلفة عدا كلفة التلزيق البسيطة هههه انا بستخدم اعواد السيليكون وبقص القماش حسب حجم الكرتونة وبلزقو عكيفي..
  • فيكم تزينو بشريطة ساتان او بقايا اكسسوارات مفروطة حباتها عندكم او بقايا زينة من شي مناسبة اذا بتدورو ببيوتكم بتلاقو كتير تفاصيل صغيرة ممكن تستغلوها بأشغال يدوية وتزينو فيها وتشاركو هالشي مع ولادكم طبعا بطير عقلهم ♡_♡

الخطوات

تقريبا ماضل شي احكيه الا انو فينا نرتب بيتنا وننظم غراضنا بأبسط الطرق وبدون اي تكلفة

انا بصراحة بشتري دايما علب جاهزة بس بحب كل فترة اعمل على ايدي كمان وفي فرق شاسع بالتكلفة بالرغم انو النوعين متشابهين وبيقضو نفس الغرض..

المهم انو مافي اي حجة منقدر نرتب شو ماكان الوضع ههههههه

اخر كم صورة هدول منظمات حبيت ابعتهم والفت نظركم الهم خاصة للي المساحة عندها صغيرة وغراضها كتيرة ومحتاجة تنظمها لاني استفدت كتييييير منهم رغم بساطتهم وشوفة عينكم كل رف متحول عندي لطابقين

عدا عن تنظيمهم انو فيني استخدمهم بسهولة بدل مايكون كل شي فوق بعضو في منهم بلاستيك قوي او معدن اذا بدنا نحط فوقو شي تقيل متل اللي تحت جاطات البايركس

بالنسبة للصورة الاخيرة كمان حبيت الفت نظركم لهي العلب اللي بتجي سعتها كبيرة وطويلة وضيقة بحيث انو نستغل دايما مساحة المطبخ بالطول لانها غالبا ضايعة

انا صورتلكم الطابق الاول لتشوفو العلب بشكل واضح بس انا مستغلة اكتر وحاطة فوقهم متلهم ومرتاحة كتير فيهم الحمد لله♡

شكلي حكيت زيادة بس يارب تكونو استفدتو ولو بشي بسيط

بحبكم من كل قلبي وتذكروني بدعوة حلوة

واذا في اي سؤال انا جاهزة حبيباتي

66 تعليقاً

  1. ام عمرو تسلميلي الله يكرمك حبيبتي😘
    ام عبودة والاخت (ام) الله يخليلي ياكم كلكم زوق حبيباتي خجلتوني والله وفرحت كتير بتعليقاتكم بتمنى دايما تشاركونا😘

  2. يسلمو ايديكي نووور شغل مرتب أنا بحب هي الشغلات وبعملها أحيانا
    عملت من علب الصلصة للأقلام لأولادي لزقت عليهم ورق فوم وقصيت أشكال ورد وأحرف
    شطووووورة يا أموووورة 😍😍😘😘

  3. ما شاء الله تبارك الرحمن مناظر بتاخد العقل وترتيب واناقة ونظافة بسم الله الله يهني زوجك ويكثر من امثالك والله فتحتي نفسي ع الشغل اليدوي خاصة والشغل بشكل عام مشكورة وايديكي بلتفو بحرير يا معدلة😗

  4. داليا ورؤى تسلمو لقلبي من بعض ماعندكم حبيباتي😀
    سنووووءة العسل دخيل قلبك انتي ماشاء الله عنك
    ربي يحميلك ولادك ويسلم ايديكي ياعمري😙
    اقدار بصراحة مو ملاقية كلمات عبرلك فيهم عن فرحتي بكلامك
    خجلتيني ياعمري واللي قلتيه كتير عليي وفيكي البركة ماشاء الله😘
    ممنونتك من قلبي الله يسعدك حبيبتي

اترك تعليقاً

لن يتم نشر عنوان بريدك الإلكتروني.