برك البطاطا التركيه

55 6٬989
 

برك البطاطا التركيه

برك البطاطا التركيه

برك البطاطا التركيه

برك البطاطا التركيه , معكم صديقة زاكي الشيف الموهوبة ,رشا رشا

المقادير

  • 4كوب طحين
  • معلقه كبيره سكر
  • معلقه صغيره خميره
  • معلقتين صغار ملح
  • معلقتين صغار بيكنج باودر
  • 8 معالق كبار زيت
  • كوب وربع حليب دافي تقريبا حسب نوع الطحين ممكن نحتاج اكثر شوي
  • بطاطا مهرووسه
  • رشه فلفل اسود
  • زيت زيتون
  • رشه اعشاب
  • زعتر
  • ريحان
  • كوب نشا لرق العجينه

الخطوات

بسم الله نبدا

بنخلط المكونات الجافه وبنضيف الزيت وبنبسو معهم شوي وبنبلش نضيف الحليب الدافي وبنعجنهم منيح لما تتماسك العجينه وتسير ناعمه وطريه بنتركها تخمر نص ساعه وبعد هيك بنقطعها 12 كره صغيره او حسب الطلب بنرقها بالبدايه ارغفه صغيره وبنضيف بينهم كميه منيحه من النشا وبعد ميسيرو ست ارغفه بنبلش نرقهم رقاقات رقيقه جداا وبنبلش بأول رقاقه بندهنها زبده وبنقلبها على الجهه الثانيه وبنحط فيها الحشوه وبنسكرها على شكل كيس مع لفه وحده وبنطوي العجينه الي فوق لتحت على شكل كسرات وبنبلش نطوي اطراف العجينه على شكل كسرات وبنقص القسم المتبقي عكل حال انا موضحه الطريقه بالصور وبنصفها على صينيه الفرن وبندهنها كمان مره بالزبده وبنخبزها بالفرن على درجه 180 لمده عشرين دقيقه او اقل حسب الفرن ولما يسير لونهم ذهبي وبنقدمها ساخنه والف صحه وهناا يا رب

ملاحضه يمكن عملها بعده حشوات مختلفه مثل اللحمه المفرومه او الجبنه حسب الرغبه انا اعطيتكم افكار التشكيل والابداعات عليكم

ان شاء الله تعجبكم ولا تنسو تضيفوها للمفضله

تحياتي الكم جميعا رشا ام احمد

عرض التعليقات (55)