دجاج مشوي في الفرن على الطريقة التركية

3 16٬807

دجاج مشوي في الفرن على الطريقة التركية
اطيب دجاج مشوي عالطريقة التركية وهيه طريقه مختلفه لتقديم الدجاج بشكل شهي وهي وصفه قدمتها لنا المبدعه
Boba Farid

دجاج مشوي في الفرن على الطريقة التركية

المكونات:
دجاج
حبه بندوره
بصله
اربع اسنان ثوم
ملعقتين كبار لبن
ملعقتين كبار كاتشاب
اربع ملاعق كبيره صلصه طماطم
نصف كوب زيت زيتون
عصير ليمونه
ملح
فلفل
هيل
زنجبيل مطحون
كزبره ناعمه يابسه
بهار دجاج مشوي
بقدونس
بصل جوانح

الطريقه:
– بالخلاط نضع حبة بندورة و بصلة و اربع سنون توم مهروسين و معلقتين كبار لبن و كتشب و اربع معالق كبار صلصة طماطم و نص كاسة زيت زيتون و عصير ليمونة منخلطهم سوا.

– وبعدين منضيف البهاراتوهي طبعاً كل شخص حسب ما بحب, انا بحط ملح و فلفل ابيض و هيل و زنجبيل مطحون و كزبرة مطحونة و بهار دجاج مشوي.

– منخفقهن منيح و نصب ثلثي الخلطة تقريباً فوق الدجاج بصينية الفرن و الباقي من الخلطة منشيلو على جنب و منحاول نغطي قطع الدجاج منيح بالخلطة ومنغطي الصينية بالقصدير و مندخلها الفرن لمدة ساعة و ربع او اكتر شوي.

– بهالأثناء منفرم بقدونس وبنغسله و بنصفيه و منجيب بصلة منقطعها جوانح و منرش عليها رشة ملح و رشتين سماق و منفركها فيهم منيح و بعدين منضيف عليها البقدونس و منخلطهم مع بعض.

– لما يستوي الدجاج منحمره من الجنبين و بعدين منجيب شوية الخلطة الباقية و مندهن فيها أرغفة الخبز حسب الكمية اللي بدك ياها.

– و بندخل الخبز على الفرن يتحمر من فوق لمدة دقيقة و لما نطلعو منحط سلطة البصل و البقدونس فوقه و منوزع قطع الدجاج عليهن و بيتقدم جنبها سلطة او تبولة و بطاطا و تومية.

نسعد بمتابعتكم لنا على جروب زاكي لفن الطهي بالضغط على هذا الرابط:
دجاج مشوي في الفرن على الطريقة التركية

حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j

عرض التعليقات (3)