مقبلاتي فتة المكدوس بتشهي ملكة المقبلات

30 5٬397
 

مقبلاتي فتة المكدوس بتشهي ملكة المقبلات

مقبلاتي .. فتة المكدوس بتشهييي ..ملكة المقبلات

مقبلاتي فتة المكدوس بتشهي ملكة المقبلات

مقبلاتي فتة المكدوس بتشهي ملكة المقبلات , معكم صديقة زاكي الشيف الموهوبة ,أم محمّد

المقادير

  • حبة باتنجان كبيره أو حبتين وسط
  • 3 رغيف خبز
  • كاستين لبن علب
  • نص كاسة طحينيه
  • 3 سنون ثوم مهروسين
  • ملح
  • للتزين لوز مقلي
  • خبز مقلي
  • بقدونس

الخطوات

مسااكم خير وسعاده … اليوم راح اقدملكم طريقة

(فتة المكدوس) وهي من أشهر المقبلات اللذيذه على السفره ..وان شاء الله تنال أعجابكم وتضيفوها للمفضله

ويلااا مع شرح الطريقه…..

& بقطع حبة الباتنجان لمكعبات وبنقليها

& وبقطع الخبز لمكعبات وبقليه

& بجاط التقديم بضع الخبز ومن ثم الباتنجان

& وبحضر الصوص يلي هو : كاستين اللبن وبضع عليهم الطحينيه والثوم المهروس ورشة ملح وبخلطهم

أما عالايدي أو بالبلندر… وهيك الصوص بكون عندي جاهز بضيفه فوق الخبز والباتنجان لحتى يغمرهم الصوص

& وأخر شي بنزين صحن التقديم بالخبز المقلي واللوز ورشة بقدونس .

& بأمكانك تضيفيها لسفرتك عند تجهيزها ..أو وضعها بالتلاجه لحين تجهيز السفره عند وضعها بالتلاجه بتتشرب الصوص وبتكون لذيذه .

& هيك نوع من المقبلات مريح جدا وسهل ..وفي وقت يكون عندك عزيمه بتقدري تعمليه قبل بوقت وتضعيه بالتلاجه .

& ملاحظه …( اذا بتحبي تعمليها طبقات بتضيفي طبقة خبز وطبقة باتنجان وطبقة صوص وبتضلي تضيفي طبقات لحتى تخلصي الكميه وأ خر طبقه راح تكون الصوص ..واحتمال مع هالطريقه تحتاجي صوص أكتر وبنعمل الصوص بسهوله متل ما شرحت مسبقا )

وصحتين وعافيه

عرض التعليقات (30)