img
الرئيسة / حلويات / تشيز كيك بنكهة الشوكولا والقهوة ولا أروع

تشيز كيك بنكهة الشوكولا والقهوة ولا أروع

/
/
/
3992 مشاهدات
 

تشيز كيك بنكهة الشوكولا والقهوة ولا أروع

تشيز كيك بنكهة الشوكولا والقهوة ولا أروع ♡

تشيز كيك بنكهة الشوكولا والقهوة ولا أروع

تشيز كيك بنكهة الشوكولا والقهوة ولا أروع , معكم صديقة زاكي الشيف الموهوبة ,نور أحمد

المقادير

  • للطبقة الأولى:
  • كوبين بسكويت دايجستف مطحون
  • ربع كوب زبدة
  • للطبقة التانية:
  • باكيت كريما بنكهة الشوكولا
  • ملعقتين كبار شوكولا نوتيلا او اي نوع تاني
  • 3 ملاعق كبار قشطة
  • ملعقتين كبار جبنة دهن
  • نسكافيه
  • حليب
  • بين الطبقات:
  • قطع موز
  • كرات صغيرة شوكولا
  • بسكويت
  • بنسكافيه
  • حليب
  • الطبقة الاخيرة:
  • باكيت كريمة فانيليا
  • 3 ملاعق كبار قشطة
  • 4 ملاعق كبيرة جبنة دهن
  • ملعقة صغيرة شوكولا
  • للتزيين عملت كريمة زبدة:
  • زبدة لينة
  • سكر بودرة
  • كريمة سائلة
  • او قشطة دهن

الخطوات

بسم الله الرحمن الرحيم

للطبقة الأولى ((كوبين بسكويت دايجستف مطحون + ربع كوب زبدة مدوبة وممكن اكتر شوي بحيث انو يتماسك البسكويت بس نضغط عليه))
للطبقة التانية ((باكيت كريما بنكهة الشوكولا + ملعقتين كبار شوكولا نوتيلا او اي نوع تاني + 3 ملاعق كبار قشطة + ملعقتين كبار جبنة دهن + نسكافيه مذوبة بملعقتين حليب وبالنسبة لكمية النسكافيه حسب كيف بتحبو قوة طعمتها بالنسبة الي حطيت ملعقة صغيرة))
بين الطبقات حطيت متل مو شايفين قطع موز وكرات صغيرة شوكولا وفوقهم بسكويت مغطوط بنسكافيه مدوبة بحليب بامكانكم تستغنو عن اي مكون من هدول بس بالنسبة الي حبيت ميز هالقالب هالمرة وكانت طعمتو فاخرة تماما ههههه
الطبقة الاخيرة (( باكيت كريمة فانيليا + 3 ملاعق كبار قشطة + 4 ملاعق كبيرة جبنة دهن + ملعقة صغيرة شوكولا))
للتزيين عملت كريمة زبدة ((زبدة لينة + سكر بودرة + كريمة سائلة او قشطة دهن))
اول شي منعجن البسكوت المطحون بالزبدة ومنرصهم بالقالب ومنحطو بالبراد لبين مانعمل الطبقة التانية

منخفق الكريمة ومنضيف عليها باقي المكونات ومنخلطهم ومنضيفهم عالبسكويت ومنحطها بالبراد لبين مانجهز اخر طبقة

منجهز الطبقة الاخيرة بنفس طريقة الطبقة اللي قبلها واذا حبينا منحط بيناتهم شي

ومنضيف الطبقة الأخيرة ومنغطي القالب ومنتركو بالبراد ليبرد ويتماسك تماماً والافضل يبقى ليلة كاملة لنتيجة رائعة

بالنسبة لكريمة الزبدة تبع التزيين اذا حبيتو تعملوها فهية سهلة كتير

لازم تكون الزبدة لينة يعني مو باردة ولا سايحة

منخفقها لتصير كريمية ومنضيف عليها السكر البودرة حسب الرغبة ومنرجع نخفقهم منيح ليمتزجو تماماويصير شكلهم كريميييي ومنضيف عليهم الكريما السائلة او القشطة ومنرجع نخفقهم شوي وهيك بتصير جاهزة حبيباتي

ملاحظااااات مهمة كتير

♡ بالنسبة للكريما لازم تنخفق بحليب باااااارد كتيييير لتنجح تماما

♡ احرصو المزيج تبع الكريما مايسيل كل ماكان متماسك اكتر بكون افضل،، يعني ماتكترو الحليب اللي رح تخفقو فيه الكريمة

♡ اذا حبيتو تستغنو عن نكهة القهوة استغنو عنها للي مابيرغبوها

♡ بس تاكلوها لا تحسبو السعرات الحرارية والذي منو حرصاً على استمتاعكم بالطعم ههههههه

♡ الملاحظة الأخيرة هية اني أحبكم في الله

وبشكر رب العالمين على صحبتكم وبتمنى تدعولي بالبركة ودعوات حلوة من قلوبكم الصافية

وانتظروني في الحلقة القادمة هههههه

93 تعليقاً

  1. يااااااي حرام عليكي يا نور والله مع وصفاتك ما راح اضل ماشية ع دايت ولا غيرو كل وصفة تحفة اكتر من التانية ماشالله عليكي ماشالله الله يمتعك بصحتك عشان تمتعينا بوصفاتك كمان وكمان

  2. بعدين يا نور ما تنزلي هيك اشياء زاكيه خطبه بنت عمي في اول شهر ١١ بدي البس ول حبيبتي
    نزلي وصفات للرجيم بس انا مرضع 😘😘😘😘❤

  3. 😍😀 لك انتو اللي بتجننو ربي يباركلي فيكم ويخليلي ياكم يا أميرات
    تسلمولي كلكم وبتشكركم من قلبي على كلماتكم الحلوة😘😙
    خلص طيرو الدايت كم يوم متل ماعملت انا كلهم كم كيلو مو محرزة ينحكى فيهن 😂😂😭😭

  4. ام علي اشتقناااااالك وين هالغيبة ياقلبي
    طلي علينا ولو بسلام 😘
    ربي يقويكي ومباركة الخطبة
    عقبال فرحتك بولادك😄
    حبيبتي زهرة البيلسان كيفك طمنيني عنك😙

  5. يسلمووو هالديات يا غالية منظرها لا يقاوم
    حرااام تكوني جارتي وتبعتيلي من كل شي بتعملي 😂😂😂
    مع العلم انا ما بحب الحلويات كتير بس صرت حبها من أجلك 😘😘😘

  6. ما شاء الله شي بجنن.. بس هيك رح يزيد وزنى اكتر😖😖 انا ما بوكل شي متل الناس ووزنى بازدياد….. اذا بحط لايك لصورة شي زاكى از بفتح وصفه الك بس بحس وزنى زاد😞😞😞😞

  7. لك يسعدهممممم احلى اخوات بالدنية
    يخليلي ياكم انتو وتشجيعكم يا اميرات😄😙
    والله قلبي بيفرح بس اقرا كلامكم وحس بمحبتكم
    ام محمد انا من بعدك يا عسل وصفاتك رائعة 😀
    ام عمرو والله خجلتيني بكلامك😘 كلك زوق والله
    أحبك في الله ياغالية😄

  8. يا ويلي يا نور الله يحميكي رووعااتك ما شاء الله منظرها بجنن يمي يمي زااكية بدي صحن😍😍😄😄😜😜الله يباركلك يا قلبي💋💋💋❤❤❤💖💖💖💟💟💞💞💞

  9. ام سفيان

    مممممم يا عيني يا عيني اللهم بارك
    ما شاء الله نور يا فراشتنا 🌷وصفة بتشهي اعشق هاي الوصفات الله يسلم هالايدين …رح اجربها قريبا ان شاء الله ….

  10. ام مصطفى ياغالية الله يسلمك ويفرح قلبك يا عسل😙
    رولا ياريتك قريبة والله كنا تدعبلنا سوا😂😂 تسلمي لقلبي😙😙
    ام سفيان الله يسعدك ويجبر خاطرك دنيا وآخرة❤
    كلامك دايما متل البلسم سبحان الله وفرحت انك حبيتيها كتير😘

  11. ام سفيان القلب عالقلب ياغالية والله بيعلم😘❤
    رولا حبيبة قلبي تسلميلي انتي الحبابة😙
    رؤى يا عسل من بعض ماعندكم يامبدعتنا الامورة 😄 كلك زوق وعيونك الحلوين ❤
    الاء ياعمري تسلميلي ما الطفك الله يسعدك دنيا وآخرة ❤
    ليييييييين ياحبيبتي الفنانة انا من بعدك😙 رأيك ورأي الصبايا شهادة بفتخر فيها😍
    ربي مايحرمني منكم💞

اترك تعليقاً

لن يتم نشر عنوان بريدك الإلكتروني.