طريقتي بالملوخيه

18 3٬855
 

طريقتي بالملوخيه

طريقتي بالملوخيه

طريقتي بالملوخيه

طريقتي بالملوخيه , معكم صديقة زاكي الشيف الموهوبة ,🍒أم محمّد🍒

المقادير

  • أرز حبه قصيره للتقديم
  • دجاج
  • ملوخيه :
  • نص راس ثوم مهروس
  • لسلق الدجاج :
  • ثوم مهروس
  • فلفل حار
  • للصينيه :
  • بطاطا
  • نص راس ثوم مهروس
  • خل
  • ملح
  • ليمون
  • فلفل اسود
  • زيت

الخطوات

مسااء الخير …راح قدملكم طريقتي بالملوخيه مع الصينيه والارزلذيذه كتير

ويلااا مع الطريقه ….

& بنجهز الدجاج.. بضعه بطنجره وبضيفله المي للسلق وبضع عليه راس بصل وبعد ما يغلي بشوي ..بهرس اربع سنون ثوم مع قرن فليفله حار وبضعهم عالسلق الدجاج وبخلي الدجاج يسلق لحد الاستواء ..

& من بعد هيك بنشل الدجاج من المي وبضعه بصنيه وبقلي بطاطا وضعها فوق الدجاج وبهرس كميه كويسه من الثوم يعني حسب الكميه انا استخدمت نص راس ثوم وبضع عالثوم خل وليمون وبوزعه فوق الصينيه

ومن بعد ما أضفت الثوم برشلها رشة ملح وفلفل أسود وزيت زيتون …ومغرافة مي من مية الدجاج ..ومن بعد ما تكون تقريبا الملوخيه جهزت معي بشغل الفرن تحت الصينيه لانها ما بتاخذ وقت كتير بخليها من تحت عشر دقايق او اقل ومن ثم عالتحمير وهيك صينية الملوخيه بتكون جاهزه

& وهلأ من بعد ما تكون عندي مية الدجاج ساخنه بضيفلها الملوخيه وبخليها تغلي وبشوف كيف ثقلها مع الغلي اذا احتجت بضيفلها كمان ملوخيه ومن بعد ما تغلى عندي كويس وقبل ما اطفي الغاز بقدحلها الثومه وهي كمان كميه كويسه من الثوم لانه بعزز نكهتها وبزكيها وبخليها تغلي شوي مع الشومه ورشة ملح وهيك بتكون عندي جاهزه

& ملاحظه: الملوخيه يلي استخدمتها مفرزه ..

وهي عالواقع لونها اخضر بس ما بعرف ليه هيك طلع لونها بالصور ..بتمنى تعجبكم

& وأخر شي بقدمها مع الأرز الأبيض والليمون والشطه ولا الذ من هيك ..

& الشطه انا عملتها يلي هي فليفله حاره بفرمها ناعم وبضيفلها معلقتين خل ورشة ملح وفلفل اسود وصلصة البندوره الجاهزه وبحركها للتتجانس ولذيذه كتير بجنب الملوخيه ..وبأمكانكم تضيفولها بصل مفروم ناعم

وصحه وعافيه

عرض التعليقات (18)