مسخن رولات

32 7٬792
 

مسخن رولات

مسخن رولات

مسخن رولات

مسخن رولات, معكم صديقة زاكي الشيف الموهوبة ,أم جاسم

المقادير

  • دجاجة منظفة ومخليه من العظم
  • 5 رؤوس من البصل
  • ملح وفلفل
  • بهارات دجاج
  • خبز شراك
  • سماق
  • زيت زيتون

الخطوات

مسخن رولات

أولاً/تجهيز الدجاج

نقطع الدجاج قطع طوليه مثل الشاورما وبنقلبها مع بصل مقطع جوانح بزيت الزيتون وبنضيف ملح وفلفل وبهارات دجاج وسماق وبنتركه يستوي مع بعضه.

ثانياً/ البصل

نحتاج كمية كبيرة من البصل لانه طبخة المسخن بتاخد بصل كثير ، في قلاية تانيه بنقطعه جوانح وبنقليه بزيت الزيتون بس بدنا نراعي انه نطبخه على نار هاديه طبخ مش بس قلي ، بنضيف الملح وبنغطي القلايه وبنتركه على نار هاديه لحتى يستوي تماما.

ثالثاً/

بعد استواء الدجاج والبصل بنضيف البصل للدجاج وبنخليه شوي مع بعضه وبنضيف المزيد من السماق .

رابعاً/ عمل الرولات

بنحتاج خبز شراك بنقطع كل رغيف نصفين وبنضيف على وسط الخبزة وبنثني اطراف الخبز عليها وبنرولها ، موضح بالصور.

خامساً/ تحميص المسخن

ندهن رولات المسخن بزيت الزيتون وندخلها فرن سخن لحتى تتحمص من تحت بنقلبها وبنحمص الجهه الثانيه.

سادساً/التقديم

ممكن تقديمها رولات زي ماهيه ولكن انا بفضل اقطعها مثل الشاورما العربي واقدمها بصينية كبيرة مع البطاطا المقليه وسلطة الكولسلو والمقبلات.

ملاحظة/

ممكن التحايل على الاطفال يلي ما بحبوا البصل مثل اولادي ، ببعض الرولات اضفت الكاتشب حتى تخفي البصل، ومشي الحال..

عرض التعليقات (32)