ماكرون فرنسي واخيييرا نجح بعد ثلاث محاولات ملكة الحلويات الشعبية

30 12٬720
 

ماكرون فرنسي واخيييرا نجح بعد ثلاث محاولات ملكة الحلويات الشعبية

ماكرون فرنسي واخيييرا نجح بعد ثلاث محاولات ملكة الحلويات الشعبية

ماكرون فرنسي واخيييرا نجح بعد ثلاث محاولات ملكة الحلويات الشعبية

ماكرون فرنسي واخيييرا نجح بعد ثلاث محاولات ملكة الحلويات الشعبية, معكم صديقة زاكي الشيف الموهوبة ,أم جاسم حلوى المكرون المعروف بجمال شكله وطعمه الرائع وسعره المرتفع ، اليوم بأقل التكاليف رح تقدري تعمليه بمطبخك .ولكن هذا النوع هو السهل الممتنع ، سهل جدا مكون من ثلاث مكونات فقط ، لكن بحاجة دقة متناهيه بكل شيء ، وجربت اعمله قبل هيك ثلاث مرات وفشل واخيرا زبط معي ، ورح اكتب جميع عوامل النجاح والفشل مع الوصفة.

مجبورة على الاطالة الوصفة بتحتاح

المقادير

  • لوز مطحون 125 غم
  • سكر مطحون جاهز 125 غم
  • سكر ناعم الحبيبات 125 غم
  • بياض بيض 90 غم
  • رشة ملح ورشة فانيلا
  • لون غذائي

الخطوات

السلام عليكم ورحمة الله وبركاته

أولاً/ طحين اللوز

بدك تكوني مجهزة اللوز من قبل ما تبدأي بالشغل لانه بده شوية خطوات ، لازم تطحني اللوز ناعم مثل الطحين بس بالخلاط ماتطحني بمطحنة القهوة لانها بتعجنه وبتطلع الزيوت منه وهذا سبب رئيسي لفشل المكرون.

بتطحني بشكل متقطع عشان ماتسخن الماكنه عاللوز ، وبعد الطحن بتخلطي معه كمية السكر المطحون وبتدخليه الميكرويف دقيقة عشان تتخلصي من اي رطوبة فيه ، وبعد ما يبرد تمانا بتطحنيهم سوا كمان مرة بالخلاط وبتنخليهم كويس.

ثانياً/ الميرنج

اكيد صار الكل يعرف ان الميرنج بياض بيض مع رشة ملح ورشة فانيلا وسكر حبيبات ، البيض لازم يكون برا الثلاجة من قبل بيوم بنبدا بالبيض والملح والفانيلا نخلط عالمضرب لحتى تظهر الرغوة بنبدا نضيف السكر رش بنرشه على ثلاث دفعات لحتى يصير البيض كريمي ابيض ناصع ولامع ويوصل مرحلة منقار العصفور وهالمرة صورت هاي المرحلة ، وهون بنضيف اللون الغذائي الجل او بودرة وبنخلط شوي بس وبنوقف خلط.

ثالثاً/ خلط المكونين

الان الميرنج جاهز وخليط اللوز جاهز بنصير نضيف من خليط اللوز شوي شوي وبنحرك بالسباتيولا بحركات دائرية وبآخر كل دائرة بنقطع الخليط بالنص وبنضل نزيد اللوز ونكرر الحركة وبعد مايخلص اللوز بنضل نحرك بنفس الطريقة حوالي 30 مرة لحد ما يصير الخليط ينزل معك بخط مستقيم غير متقطع بكون جاهز ، لا تزودي بالخلط ابدا اذا زودتي بصير الخليط سائل ومايع وما بزبط بالاخر.

رابعاً/ تنشيف المكرون

بعد اكتمال الخلط بنكون مجهزين صواني عليها ورق زبدة وورق الزبدة ضروري بهالوصفة او مفرش سيلكون ، بنحط الخليط بكيس حلواني او كيس بلاستيك وبنفتح فتحة صغيرة بقطر 1سم تقريبا وبنصب الخليط دوائر حاولي تكون متساوية .

بعد الصب اطرقي الصينية عدة طرقات بالرخامة لتطلع كل فقاعات الهواء عالسطح وتخلصي منها بعود خشبي.

اتركي المكرون ينشف في مكان جاف بده ساعة تقريبا ولازم بس تلمسي وجهه ما يلزق على ايدك اي شيء منه .

خامساً/ الخبز مهم جدا جدا جدا

لازم درجة حرارة الفرن تكون 160 مش اكثر ولا اقل يعني هادي جدا وتسخنيه من قبل بربع ساعة بتدخلي المكرون لمدة 12— 15 دقيقة بكون استوى. بتطلعيه وبتتركيه يبرد تماما قبل ماتلمسيه.

سادساً/الحشو والتقديم

بتقدري تحشي بين كل حبتين اي حشو متوفر ممكن شوكولا ممكن صوص فراولة ممكن زبدة اللوتس ممكن كريمة الزبدة . وقدميه بطريقتك الخاصة وصحة وهنا.

عوامل نجاح المكرون

1— اللوز معجن وطالعه زيوته بسبب الطحن الخطأ

2— اللوز والسكر ماخذين رطوبة ومكتلين.

3— خلط اللوز بالميرنج بشكل عشوائي

4— الميرنج غير واصل لمرحلة المنقار او مضروب زيادة

5— درجة حرارة الفرن غير صحيحة

6— عدم تنشيف المكرون يعطيكي مكرون متشقق

7— استخدام لون سائل

8— عدم خلط اللوز بالميرنج مدة كافيه او مدة زيادة

9— البيض بارد

10— المكرون سهل لكنه دقيق جدا وبصراحة يستحق المحاولة مرة ومرتين وثلاث.

عرض التعليقات (30)