طريقة عمل البيتيفور ولا أروع ملكة الحلويات الشعبية

67 5٬968
 

طريقة عمل البيتيفور ولا أروع ملكة الحلويات الشعبية

بيتيفوور ولا أروع_ملكة الحلويات الشعبية

طريقة عمل البيتيفور ولا أروع ملكة الحلويات الشعبية

طريقة عمل البيتيفور ولا أروع ملكة الحلويات الشعبية , معكم صديقة زاكي الشيف الموهوبة ,نور أحمد اجيتلكم بوصفة بيتيفور هشة وبتشهي (لعيون أم تيم الغالية وعيون الصبايا ههههه) طبعا البيتيفور حلو فرنسي الأصل وانعمل للمرة الأولى بالقرن الثامن عشر وتنوع كتيييير مع مرور الوقت وما اعتقد في حدا مابحبو خاصة مع فنجان قهوة ♡ يلا شمرو لنبلش شغل ههههه

المقادير

  • 250 غ (ربع كيلو) زبدة بدرجة حرارة الغرفة
  • ثلاث ارباع كوب سكر بودة
  • 3 صفار بيض
  • باكيت فانيليا
  • ملعقة صغيرة بيكينغ باودر
  • نصف كوب نشا
  • طحين حوالي كوبين ونصف او اكتر شوي حسب مابتحتاج معنا العجينة
  • التزيين حسب الرغبة طبعاً

الخطوات

☆بسم الله الرحمن الرحيم☆

بالبداية منحط السكر مع الزبدة ولازم تكون الزبدة بدرجة حرارة الغرفة ومنخفقهم سوا ليصير شكلهم متل الكريمة

بعدين منضيف صفار البيض ومنرجع منخفق ليمتزجو منيح وبعدا منضيف النشا مع الفانيليا والبيكينغ باودر منخلطهم بالمعلقة شوي ومنضيف الطحين بالتدريج

اللي بدي قولو انو الطحين بيختلف من نوعية لنوعية يعني مو بالضرورة تحتاجو نفس كمية الطحين اللي انا حطيتها

ممكن اقل وممكن اكتر لهيك ضيفو الطحين بالتدريج وخلطو بخفة بدون عجن

يعني ممكن بملعقة خشب

والعجينة لازم تكون طرييية كتير مو عجينة عادية

يعني للحد اللي مابتلزق فيه بس كتير طرية

حاولو تشتغلو فيها بسرعة لحتى ماتنشف

وبالنسبة لسماكة البيتيفور انتو بتقدروها حسب اذا بدكم تلزقو طبقتين مع بعض او لا

انا عملت شي هيك وشي هيك

منحط بيناتهم مربى او شوكولا او شو مابتحبو

بالنسبة للون حبيت ضيف هالمرة الوان وما مزجتهم منيح لحتى يعطو الوان متباينة متل مو شايفين

ومنكون مسخنين الفرن على درجة حرارة 180 قبل بوقت ومنخبزهم ليشقرو عالخفيف بس

يادوب ياكلو 5 دقايق فانتبهو تؤبشوني ههههه

رح تلاحظو اول مايطلعو من الفرن بكونو لسا طرايا بس لما يبلشو يبردو بيتغير القوام

يارب تكون الطريقة عجبتكم وتجربوها وتحبوها وتدعولي لأنها رائعة فعلا ً♡

وبتمنى تضيفو الوصفة عالمفضلة يا احلى بسكوتات هههههه..

عرض التعليقات (67)