مندي دجاج رووعه

35 7٬692
 

مندي دجاج رووعه

مندي رووعه

مندي دجاج رووعه

مندي دجاج رووعه , معكم صديقة زاكي الشيف الموهوبة ,leen

المقادير

  • دجاج حسب الحاجة مقطع ومغسول ومنظف
  • رز حبه طويله
  • صبغات طعام احمر واخضر وبرتقالي
  • فحم
  • ملح وماجي وبهار مندي وبهار مشكل
  • بصله مفرومه ناعم وزيت قلي
  • زبيب ولوز للتحميص
  • هال حب وقرنفل حب

الخطوات

نحوس البصله بالزيت ونحط الدجاج ونغمرو بالماء ليستوي بس يغلى بنشيل الرغوه يلي بتطلع عالوجه وبنضيف الملح والماجي والبهارات المذكوره وكم حبه هال وكم حبه قرنفل وبنغطي وبنتركو ليستوي

بننشل الدجاج من المرقه وبنكون حاطين بصحن كبير صبغه حمراء مع الماء بنغطس الدجاج فيه لياخد لون احمر وبنصفو بالصينيه وبنرش وجو ببهار المندي وبنحمرو بالفرن

بنفلفل الرز عمرق الدجاج ليستوي وقبل ما نطفي الغاز ب ٣ دقائق بنكون حاطين الصبغات بفناجين صغيره طبعا الصبغه بودره بنكون ذوبناها بالمي بنحط الصبغات عوجه الرز بثلاث اماكن متفرقه انا استعملت ٣ الوان وبتطفي الغاز بعد ٣ دقايق

بتولعي الفحم وبتحطي بقصديره بوسط طنجره الرز وقصديره بوسط صينيه الدجاج وبنحط عليهم شويه زيت زيتون عالفحم وبنسكر الغطايه عالسريع وبنتركو ٥ دقايق

بنفرد الرز وبنحط الدجاج عالوجه وبنزين باللوز والزبيب

طبعا انا راح انزللكم صور المندي عملتو مرتين بيومين متتاليين ههههه كنت عند صديقاتي وعطلبهم طبختو عندهم واليوم يلي بعدو كان عندي عزيمه وطبختو جربووها بتجنن خصوصا مع السلطات

عرض التعليقات (35)