دجاج مشوي بالخضار

21 14٬505
 

دجاج مشوي بالخضار

دجاج مشوي مع الخضار

دجاج مشوي بالخضار

دجاج مشوي بالخضار, معكم صديقة زاكي الشيف الموهوبة ,💠أم جاسم💠

المقادير

  • دجاج كمية بترجع الك
  • خضار
  • بطاطا
  • بصل
  • ثوم
  • جزر بس ما استعملته لانه كان خالص
  • ملح وفلفل
  • بهارات دجاج
  • زيت زيتون وخل
  • صلصة بندورة

الخطوات

دجاج مشوي بالفرن

السلام عليكم ورحمة الله وبركاته

الدجاج المشوي مع الخضار بختلف عن صينية الدجاج انه الخضار قطع كبيرة وانه بالكيس الحراري والصينية طبعا ما بتدخل كيس حراري، ولكن في الجوهر همه نفس الطعم ونفس المكونات بس الاختلاف بطريقة الشوي.

أولاً/ تتبيل الدجاج

نظفي الدجاج جيدا واقسميه زي ما بتحبي اما بتقطعيها او بتتركيها كاملة او نصفين مابتفرق وتبليها بالملح والفلفل والزيت والخل وبهارات دجاج و بودرة كنور وصلصة بندورة واتركيها بالتتبيلة عدة ساعات.

ثانياً/ تجهيز الخضروات

قطعي الخضار تقطيع خشن وتبليها بنفس تتبيلة الدجاج عدا صلصة البندورة.

ثالثاً/ الشواء

جهزي كيس شواء كبير الحجم وحطي فيه الخضار ثم الدجاج واضيفي كاسة شاي ماء واغلقي الكيس وثقبيه من عند الربطة.

وعلى الفرن المحمي على اعلى حرارة اول نصف ساعة وبعدها نخفض الحرارة لمدة ساعة ونصف.

رح تتحمر بالكيس لوحدها واذا حبيتي تزيدي التحمير افتحي الكيس وحمريها على الشواية.

ملاحظة/

الدجاج بالكيس الحراري اما بيتحمر لحاله واما لا ،كيف؟

اذا نشفت ميته بيتحمر وبيتقمر لون رائع وهو بالكيس.

بس اذا تركتي عليه شوية صوص مارح يتحمر زي ما انا عامله هون خليت عليه صوص وحمرته عالشوايه بعد فتح الكيس ودهنه من الصوص.

رابعاً/ من دهنه سقيله

بعد اخراج الدجاج من الفرن سقيه من السوائل اللي نازله منه وادهنيه جيدا، هالخطوة بتكفل دجاج طري ولذيذ ولمعه قوية.

هاد الدهن غير عن الدهن اللي قبل الشوي.

وقدميه والف صحة وهنا

عرض التعليقات (21)