فته الحمص طعم بياخد العقل سلسلة وصفات التوفير 1

23 8٬766
 

فته الحمص طعم بياخد العقل سلسلة وصفات التوفير 1

فتة الحمص طعم بياخد العقل سلسلة وصفات التوفير

فته الحمص طعم بياخد العقل سلسلة وصفات التوفير 1

فته الحمص طعم بياخد العقل سلسلة وصفات التوفير 1 , معكم صديقة زاكي الشيف الموهوبة ,💠أم جاسم💠

المقادير

  • حمص ناشف
  • طحينة
  • ملح
  • ليمون
  • ثوم
  • خبز
  • زيت زيتون
  • بقدونس
  • لوز اختياري

الخطوات

السلام عليكم ورحمة الله وبركاته

طبعا الكل بيعرف فتة الحمص ولكن لكل شيخ طريقة حبيت اعرض طريقتي اللذيذة وان شاء الله تعجبكم

أولاً/ الحمص

بننقع الحمص الناشف من قبل بليلة وثاني يوم بنصفي مية النقع وبنسلقه لحتى يستوي ولكن حذار تضيفي ملح للسلق بتفصل القشرة عن الحبة وبتصير بشعه ومختلفه.

—في ناس بتجيب الحمص المعلب الجاهز بصير بس المسلوق بالبيت غير شكل صراحة.

—بعد السلق بنطحن مقدار كوب من الحمص مع غمرته مية سلق وبنضربه عالخلاط رح يطلع معك مرق لاتخافي جايك بالطريقة، بتضيفي مقدار 3 ملاعق طحينة كبار عالخلاط الطحينة بتشد كل الحمص وبثقل معك وممكن تحتاجي ترخيه بشوية مية سلق، وعصير ليمونة او ثنتين حسب رغبتك وسنين ثوم مهروس ورشة ملح كبيييييرة لانه الحمص بحب الملح ورشة براس الملعقة كربونة.

—هلا بجوز حد يعترض عالكربوتة بس هيه رشة براس الملعقة ما رح تأثر على كمية حمص بتطلع كبيرة وفائدة الكربونة بتخلي لون الحمص فاتح وزاهي .

بتذوقي الحمص وبتشوفي ملحه وليمونه وزيدي اذا حبيتي.

—حمص الفته لازم يكون رخو شوي فبتفرغي من الحمص اللي بالخلاط وهوه راح يستخدم مدمس ، وباقي الكمية بترخيها بشوية مية سلق.

ثانياً/ تطبيق الفتة

بنكون مقطعين خبز وبنقليه بصير مقرمش اطيب بمليون مرة من اللي مش مقلي، وبنحطه بجاط الفتة اللي راح تقدميها فيه.

—وبتضيفي شوي من مية سلق الحمص للخبز لا تكثري مابدنا يتشتش .

—بنحط الحمص فوق الخبز وبنرش فوقه حمص حب وفوقه زيت زيتون مقدوح مع لوز ورشة بقدونس وشوفي الجمال والزكاوة وطعم بياخدك لمكان بعيد.

ملاحظةالتوفير/

فتة الحمص من المطعم الجاط اللي قد اللي انا عاملته ب5

دنانير، بينما بتقدري تعمليه بالبيت بربع المبلغ والخبزات هيك هيك عندك والحمص الناشف رخيص الكيلو بعمللك عشر فتات وأكثر وهو كله بدينار وحتى اللوز بتقدري تستغني عنه هوه مش رئيسي .

وصحة وهنا

عرض التعليقات (23)