
حلو السمسمية والفسدقيه سلسة وصفاتي المشكله 1
يسعد أوقاتكم بكل خير …اليوم حبيت اقدملكم اول وصفه بسلسة وصفاتي المشكله ..وهي طريقة السمسميه والفسدقيه رااائعه وسهله …
ان شاء الله تعجبكم ….
ويلاااا مع شرح الطريقه ….
& اول شي بعمل الجلوكوز …وبدي أشكر ام جاسم عالطريقتها بالجلوكوز لانه اخذتها من وصفتها وطلعت زابطه ..انا عملت نص الكميه يلي منزليتها ..ويلي هي
كوبين سكر ضفتلهم تلات ارباع الكاسه مي وعصرة ليمون ورشة ملح وذوبة السكر شوي شوي وهو هالغاز واول ما يبلش يغلي بتركه لمدة ربع ساعه عالنار وسط ..ومن بعد غليانه ربع ساعه بعمله الاختبار وهو باخذ نص معلقه صغيره منه وبنزلها بمي واذا تلاشت وما تشكل عندي منها كره بخليه شوي عالغاز وما بطول عليه لانه عالسريع بفرق الوقت معه ..برجع بكرر الخطوه يلي عملتها لتشكيل كره طريه من الجلوكوز ..واذا قدرت امسكها بايدي واشكل منها كره فخلص هيك الجلوكوز بكون عندي جااهز بطفي تحته فورا مو لازم اتاخر عليه وهو عالغاز لازم اختباري اله يكون سريع
& من ثم ببلش بطريقة الحلو وهي بضيف مقدار السكر والماء عالغاز بطنجره او مقلاه وتكون ما بتلزق وبذوبهم سوا وهمو عالغاز …وبضيفلهم مقدار الجلوكوز وبخليهم يغلو شوي ومن بعد هيك برجع بعيد الاختبار تاع الجلوكوز يلي شرحته باول الوصفه لما تتشكل عندي الكره الطريه فورا بضيف مقدار السمسم وبقلبهم سوا لمدة ثواني وهمو عالنار ومن ثم بفردهم مزبوط بصينيه مدهونه زيت ولازم اشتغل فيه وافرده واقطعه وهو لسى سخن لانه اذا برد ما بقدر افرده او اقطعه …من بعد فرده بالصينيه بقطعه مربعات او حسب ما بتحبو ومن بعد ما ببرد بقدر افكهم من بعض لانهم مقطعين …وهيك بتكون معي جاهزه السمسميه وكتير زاكيه …وصحه وعافيه
& طريقة الفسدقيه نفس السمسميه بضيف الفسدق من بعد اختبار نجاح الجلوكوز مع السكر والمي…بقلبه شوي معه وهو عالغاز عشان ياخذ لون كمان لانه الفسدق مش محمص …وبعد هيك بفرده بصينيه مدهونه زيت وبدي اكون سريعه بفرده وتقطيعه لانه تقطيعه اصعب من السمسم ..ومن بعد ما اقطعه ويبرد بكون صار جاهز ..
وصحه وعافيه
بتمنى اكون وضحت الطريقه وعجبتكم
حلو السمسمية والفسدقيه سلسة وصفاتي المشكله 1
حلو السمسمية والفسدقيه سلسة وصفاتي المشكله 1
المقادير
الخطوات
ما شاء الله عنك وعن وصفاتك
شغلك مرتب وخطواتك واضحة
وصحة وهنا
وسعيدة جدا انك جربتي الجلوكوز ونجح معك.
تسلم ايدك بشهووووو
تسلم دياتك ام محمد
انا كتير بحب السمسميه
رح جربها اكيد
عوافي
يعطيك العافية شي خيلة بس سؤال الفستق فستق ني ولا محمص
اللهم بارك .. شو هالجمال والأناقة والوصفة الرائعة 👍
تسلم إيدك عزيزتي 🌷
ليش تقطيعه قبل ما ينشف معقول بكون قاسي لما توكليه يعني مو متل المجلات
يعطيكي الف عافية حبيبتي شكلهم ولا اروع واكيد الطعمة طيبة
الله يباركلك ويسلم ايديكي شغلك متقن دايما😙
المنظر بعقد كاير بحبها هالاكله ومع فناجينك الحلوين صارت الوصفه احلا
بتشكركم عالتعليقاتكم الحلوه 🌹🌹
ام جاسم تسلمي وانتي ووصفاتك الاروع
صحه وعافيه ناي مقدما جربيها كتير طيبه
ام علاء وريحانه مشكورين عالدعمكم المستمر
جود ..الفسدق ني مش محمص ..باخذ لون من القطر
قمر .. اه زي المحلات هو بطبيعته فيه قساوه شوي من القطر …بس لازم يتقطع قبل ما يبرد لانه لما ببرد بصير قطعه وحده ما بتقدري تقطيعه ..واذا ما بدك تقطعيه وهو سخن عادي بصير بس لما يبرد بتكسريه تكسير بشكل عشوائي ما بطلع معك منتظم ..حسب ما بتحبي
تسلم ايدك
حلو كتير يسلمو رح اجربها واحكيلك
تسلم روحك على رد
يا سلااام بشهو
👌👌
ترتييييب وابداااع بلاااا حدوووود
تسسلم هالايدين يااارب
تسلموو جميعا 💐💐
قمر صحه وعافيه ان شاء الله تعجبك
روعه ماشاء الله تبارك الرحمن صحه وهنا يارب معدله ام احمد 😚😚😚
ماشاء الله عليكي روعة
وياعيني على فنجان القهوة
يسلمو ايديكي شكلو بجنن
ماشاء الله روووووعة
تسلم ايدك يارب
رووووعه ما شاء الله عنك يسلمو اديكي حبيبتي 😘
يسلمو ايدكي ولا اروع
مممم يسلمو هالادين .انا بحبها كتير
مشكوورين كتير عالكلامكم الرائع ..💐💐
أللهم بارك ماشاءالله فنااانه يعطيكي العافيه حبيبتي 😍
ما شاء الله 😍تسلم دياتك
بتشكر على الرد وانا من زمان بدي وصفه مضمونه بس لو ذوقتينه كل وحده حبه كان أفضل عنجد حبيت 😍
ماشاء الله منظرها بشهي
لو سمحتو بدي طريقة عمل معمول حبة البركه
تسلمووو ومشكورين يا وردات زاكي 💐
جود ..يا ريت بقدر اذوقكم منه هههه
الله يسعدك ام محمد صحه وعافيه
ويسعدك جود 😊
ام شام اكتبي بالبحث بزاكي عن طريقة المعمول بخبة البركه وبطلعلك وصفات واختاري يلي بدك اياها ..ان شاء الله اكون افدتك
تسلم ايدك بتشهي خاصه السمسميه يا عيني
ماشاء الله تبارك الرحمن يسلمو اديكي
يسلموووا هالدياااات شكلهم بشهيييي انا من عشاقهم السمسميه والفستقيه ابدعتي حبيبتي😋👍🌷
تسلم ايديكي ي معدلة منظرهم بشهي خاصة مع القهوة😍
يسعدكم جميعا ..وبتشكركم عالمروركم وتعليقاتكم الرائعه
راىع ومفيد يسلمو كتير
يسلموا دياتك بحبها كتير فكره
انظف من الجاهز يعطيكي العافيه