كيكة البركان سلسة وصفاتي المشكله 2

18 6٬640
 

كيكة البركان سلسة وصفاتي المشكله 2

كيكة البركان سلسة وصفات حلويات مشكله 2

كيكة البركان سلسة وصفاتي المشكله 2

كيكة البركان سلسة وصفاتي المشكله 2 , معكم صديقة زاكي الشيف الموهوبة ,أم محمّد

المقادير

  • مقادير الكيكه:
  • 2 كوب طحين
  • 1كوب ونص سكر
  • 1كوب زيت ذره
  • 1 كوب حليب سائل
  • 4 بيض
  • 2 معلقه صغيره فانيلا
  • 2 ملعقه صغيره باكنج باودر
  • نص كوب كاكاو
  • رشة ملح
  • برش برتقال
  • مقادير صوص الشوكولاته:
  • 3 كوب ماء
  • 1كوب ونص حليب بودره
  • 1 كوب ونص سكر
  • 3 ملاعق طحين
  • 3 ملاعق كاكاو
  • ملعقة كبيره زبده
  • للزينه :
  • بسكويت أوريو
  • برش شوكولا ساده
  • جوز هند

الخطوات

يسعد مساكم وأوقاتكم …اليوم راح اقدملكم ثاني وصفه من سلسة وصفات مشكله للحلويات طريقة كيكة البركااان ولا اروع من هيك طعم وشكل ..

بتمنى تعجبكم وتجربوها لانها رووووعه ..

ويلااا مع شرح الطريقه …

& اول شي راح نعمل صوص الشوكولا لتغليف الكيكه نضع في جاط 1ونص كوب حليب بودرة وكوب ونص سكر و3 ملاعق طحين و3 ملاعق كاكاو و3 كوب ماء وبتخلطي منيح وبتصفي المزيج ، وبتدخليه الميكروويف دقيقتين كل مرة وبتحركي وبترجعي عالميكروويف دقيقتين لثلاث مرات راح تاخذ وقت من خمس لست دقائق ما نخليها اكثر من هيك عشان ماتجمد وتثقل الشوكولا بتضيفيلها ملعقة زبدة وبتحركيها لحتى تذوب تماما.

& وهلا بنبلش يطريقة الكيك ..بنخلط البيض مزبوط مع الفانيلا وبرش البرتقال ورشة الملح ..وبنضيف السكر وبنخلطه مع البيض لحتى يذوب ..وبنضيف الزيت وبنخلطهم سوا ..ومن ثم بضيف بالتدريج الطحين والبكنح باودر المنخول وسائل الحليب تدريجيا وبخلط لحتى اخلص كمية الطحين ..وبضيف الكاكاو وبخلطه لحتى يمتزج مع خليط الكيك

& بكون مشغله الفرن على اعلى درجه عشان يكون حامي لما اضع الكيكه فيه …وبجهز قالب الكيك بدهنه زيت وبرشه طحين بهاي الوصفه لاازم قالب مش صينيه عشان نعمل بركان من الشوكولا ..

& بضع الخليط بالقالب وبالفرن عالرف الوسط على اعلى درجه اول تلات دقائق ..ومن ثم بوطي النار عالاقل من الوسط ..ومن بعد نص ساعه بختبر استواءه بعود خشبي اذا كان لسى بده بخليه دقائق مو اكتر

& من بعد ما تجهز الكيكه وتبرد ..بغلفها بصوص الشوكولا كاامله ..وبنص الكيكه بضع صوص الشوكولا لحتى اعبي المكان الفارغ يلي بالنص كله ويوصل لفوق..

وزينتها ببسكويت الأوريو..وبرشت عالوجها شوكولا

وكسرت لونها باللون الابيض من جوز الهند

& وهيك كيكة البركان جاهزه للتقديم ..ولا اروع من هيك سهله وطعمها روعه وتغير عن الكيك المعتاد

وصحه وعافيه

عرض التعليقات (18)