كاسترد رول بطريقة جديدة ولا أروع سلسلة الوصفات التركية 6

28 5٬630
 

كاسترد رول بطريقة جديدة ولا أروع سلسلة الوصفات التركية 6

كاسترد رول بطريقة جديدة ولا أروع من "سلسلة الوصفات التركية" ♡6♡

كاسترد رول بطريقة جديدة ولا أروع سلسلة الوصفات التركية 6

كاسترد رول بطريقة جديدة ولا أروع سلسلة الوصفات التركية 6 , معكم صديقة زاكي الشيف الموهوبة , اليوم وصفتنا سهلة وبسيطة ومكوناتها متوفرة وشكلها راقي وجذاب وغير معتاد بنفس الوقت كاسترد بالطريقة التركية وبتقديمي بتمنى تجربوه وينال اعجابكم ويلا نبلش بالمقادير يا عسلاتي

المقادير

  • مقدار من جوز الهند
  • كريما شانتيه بودرة مخفوقة بالحليب
  • لخليط الكاسترد
  • لتر حليب
  • 3 ملاعق كبيرة كاكاو
  • 4 ملاعق كبيرة طحين
  • ملعقتين كبار نشا
  • نصف كوب سكر او حسب الرغبة
  • صفار بيضة وحدة
  • باكيت فانيليا
  • ملعقتين كبار زبدة
  • ملعقتين كبار شوكولا اي نوع لتعزيز النكهة

الخطوات

☆بسم الله الرحمن الرحيم☆

بصينية مستطيلة منفرد طبقة جوز هند ومنترك الصينية على جنب

وبامكانكم تستبدلو جوز الهند ببسكويت مطحون مثلا

وهلا منحضر خليط الكاسترد بالشوكولا

منخلط كل شي عالبارد منيح ماعدا الزبدة والفانيليا والشوكولا ومنشغل تحتهم النار وبس يسمك الخليط منيح منطفي ومنضيف الزبدة والشوكولا والفانيليا ومنحركهم منيح

ومنصبهم فوق جوز الهند بهدوء

الافضل تصبو بمعلقة كبيرة لحتى مايتحرك جوز الهند من مكانو وبعدين توزعوهن بهدوء ليصير عنا طبقة متساوية

هلا بقى منتركها ليبرد الكستر تمااااااما وبهالأثناء منخفق الكريما مع الحليب واذا حبيتو تضيفو شي معها متل شوكولا نوتيلا او زبدة بندق او قشطة لتعزيز النكهة فلكم حرية الاختيار

ومنفردها طبقة فوق الكاسترد وانا حبيت حط قطع صغيرة بسكويت مكسر لحتى تقرمش شوي وطبعا هالشي اختياري

هلا بقى منحطها بالبراد لتبرد منيح لحتى يسهل علينا لفها

باستخدام السباتيولا او اي شي مسطح نقدر ندفشها فيه ههههه

منلفها شوي شوي ومنستمتع بشكلها الحلو وطعمها الاحلى

وهنا والف عوافي يا احلى رولات انتو ههههه

عرض التعليقات (28)