
طريقة عمل بسكويت بسكريم اخر دلال سلسلة وصفات التوفير 12
السلام عليكم ورحمة الله وبركاته
ولا ازكى ولا اشهى ولا احلى من شغل البيت خاصة اذا كان بشغف من ست البيت وهالبسكويته تحديدا من اكثر البسكويتات المفضلة عندي فحبيت اشارك طريقتها معكم وان شاء الله تجربوها وتعجبكم.
عفكرة انا عامله نصف المقادير.
أولاً/ العجينة
بنخلط الزبدة والسكر ورشة الملح بشكل ممتاز لحتى تصير الزبدة كريمية وبنضيف الزيت والبيض والفانيلا وبنكمل خفق لحتى تختفي البيض تماما و بنضيف الحليب البودرة والنشا وبنخلط واخر شي بنضيف البيكينج باودر و الطحين بالتدريج لحتى تتماسك العجينة ممكن ما تاخد كمية الطحين كلها.
بتصير عنا عجينة جاهزة طرية وعند الضغط عليها ما بتتشقق.
ثالثاً/ التشكيل
بنشكل كرات بحجم حبة الجوز لحتى تخلص كل الكمية وبعدين بنجيب كرة بنفردها باصابعنا ببساطة وبنعصر فيها شوكولا سائلة كمية متوسطة مانكثر فيها وبنسكر العجينة عليها وبلطف شديد بنعملها دائرية بدل كروية وبنخطط عليها علامات زي اللي عالبسكريم باستخدام سكينة او عود خشب .
ملاحظة/
ممكن عملها بنكهة الكاكاو باضافة ملعقتين كاكاو بدل ملعقتين طحين.
رابعاً/ الخبز
بنخبز البسكويت بفرن محمي على 180ْ مش اكثر وممكن 170 عشان تستوي وما تتشقق . لمدة ربع ساعة تقريبا بس تشقر من تحت والاطراف خلص بتكون استوت اذا بدك تعطيها لون عالوجه لازم يكون ذهبي فاتح ما تزودي التحمير لانها بتنشف وبتغير لونها.
خامساً/التقديم
قدمي البسكويتات مع فنجان قهوة او كاسة شاي بأي شكل كانت طعمها رووعة .
ملاحظة/ جودة نوع الشوكولا
الصور نتائج مرتين من البسكريم اللي معها البسكويت البني بنوع شوكولا جيد، واللي معها البسكويت بسكّر بنوع شوكولا غير جيد ، بدي تنتبهوا للفرق بين الشوكولاته لما يكون نوع جيد بكون ناعم وشكله مرتب ولما يكون نوع غير جيد ببين خشن ومش ناعم ولامع.
ملاحظة التوفير/
باكيت البسكريم فيه اكمن حبة يمكن 12 حبة ب 60 قرش
الكمية اللي عاملينها بتعمل 65 حبة تقريبا وتكلفتها لا تذكر بالنسبة للجاهز.
طريقة عمل بسكويت بسكريم اخر دلال سلسلة وصفات التوفير 12
طريقة عمل بسكويت بسكريم اخر دلال سلسلة وصفات التوفير 12
المقادير
الخطوات
يا عيني عليكي ام جاسم الله يسلم ايديكي
يسلمو ايديكي بتجنن
روووعاتك 😙😙😙😙😙😙
صدقا قمه في الإتقان. .. صدقا بسكويت بسكريم كان المفضل الي أيام الجامعه. .. يسلمو ايديك أم جاسم
يسلمو ايديكي بجنن
على المفضله،،،،، بسكوت طيب راح اعمله ان شاء الله،، يسلمو إيديك ام جاسم❤
روعه يسلمو ايديكي
ما شاء الله ..ابداع عالاخر ام جاسم ..
كتير زاكي هادا البسكويت مش غلط نعمله بأدينا وبالبيت يسلموو اديكي وعالمفضله👍
بشهيييييي اللهم بارك
ربي مايحرمنا منك ولا من ابداعاتك يا نجمة زاكي😙
بحبك كتير وبنتظر منك كل جديد دايماً يا مبدعة❤
ربنا يبارك فيكم جميعا
يمي ما شاء الله روعة انتي و وصفاتك شكرا الك وتسلم ايدك
ماشا اللھ واللھ شغلك بجنن وفنانة اللھ يحميكي يا ام جاسم وانشاء اللھ بدي جربھا اللھ يسلم ايديكي
بس بدي اسئلك انا عملت طريقة الكيك تبعك تبع الشيفون وكتير نفش وبعد ساعة وربع طفيت الفرن وبين انو ستوا وتركتو بالفرن كم دقيقة وبعدين ھبط شو السبب ياريت تجاوبيني لانو كتير حابة يظبط نفس يلي عملتيھ انتي وشكرا كتير الك وشغلك بثق فية حبيبتي
بشكرك على ثقتك ام تيم
الكيكة ارتفعت كثير واختبرتيها بعود خشب وكانت مستوية؟
ممكن تكون لسا عجين من جوا فهبطت، انا اخدت مني ساعة ونص بالفرن .
وتركتها يعني يمكن ربع ساعه بالفرن وهو بابه شبه مفتوح ، يعني حطيت فوطة مطبخ مطبقة عالباب عشان يضل فاتح شوي، خاصة انه الجو بارد ممكن يهبط الكيك الهش.
وغير هيك ممكن يكون كمية البيكينج باودر كبيرة ، لازم على كمية الكيكة ملعقتين صغار بس بيكينج.
هاي الاسباب المحتملة لهبوط الكيكة للأسف
بتمنى تزبط معك المرة الجاي.
بس تحفة
ياريتني ام جاسم
ماشاء لله رصيدك عند شعب زاكي اللهم بارك بازدياد
اشي لزيز خصوصا تبع رش السكر يااه اتوحمت علي بحملي وكان مقطوع ايامها
هلاء الطعم تبع رش السكر متل البسكويت ابو علبة زرقا يابيي شو لزيز هالبسكويت
تسلم ايدك
الله يعطيكي العافية…….. وصفة روعة من روعاتك الكتيرة تسلمي و يسلموا ايديكي يا رب
الله يزيدك ويباركلك أختي ام جاسم
تسلم ايدك على الوصفات الرائعة.بس انتي كاتبه بالمقادير بيضتين وبلصور وحده يعني كمن وحده نستخدم وشو نوع شوكولاته الحشو .انتى عملتى الشوكولاته في البيت او جاهزه اذا شغل البيت ياريت تنزلي المقادير وشكرا😘😘
نسيت انو انتي عامله نص المقادير يعني بيضه وحده
ماشاء الله مبدعه
إبداع بلا حدود تسلم ايدك
اي شكرا كتير على ردك يا ام جاسم اي مظبوط انا اختبرتا بعود خشبي وبينت مستوية بس يمكن متل ما قلتي كان بدا لسا وقت بالفرن لانو من جوا عجنت صح والبيكنج باودر ملعقتين صغار حطيت يمكن سبب انو بدو
كمان وقت بالفرن
اللھ يجزيكي الخير على ردك
اللهم بارك .. يعطيك العافية 🌷
ما شاء الله عنك يا ام جاسم روعه روعه
ياعيني ما احلاهم تبارك الله
بس شو نوع الشوكولاالي استخدمتيها. وبيصير نعمل شوكولاته بالبيت ونحشي فيها وصحه وعافية😘😘😘😘😘
الله يعافيكم ويبارك فيكم .
الشوكولا المستخدمة هيه جاهزة مش شغل منزلي .
وطعم البسكويته اللي بسكر مختلف عن العلبة الزرقاء اللي هيه بسكويت الزبدة بس رح اعمللك بسكويت الزبدة ولا يهمك لقدام شوي.
اه ام راشد نصف المقدار انا عملت.
ام تيم ان شاء الله المرة الجاي بتزبط معك وخليها زيادة بالفرن مارح تنحرق لانه الفرن هادي بكون وهيه بالوسط بتطلع شقرا.
ميمو طبعا بصير تعملي شوكولا بالبيت وتستخدميها ، بس تكون متماسكة شوي عشان ما تعبيلك العجينة وتستحكمي تسكري عليها.
ياحبيبتي شكرا ع الرد 💕💕
انا هاد البسكووووووت بحبه كتير ..يسلم اديكي وعينيكي على هالشغل..
ما شاء الله شئ ف منتهي الررروعه يعطيكي ألف عافيه 👌😍
😋😋
ما شاء الله شكلو بيشهي
يعطيكي الف عافيه
شيء فاخر وطريقة بسيطة تسلم ايدك
الله يعافيكم ويبارك فيكم
روووعه يسلمو اديكي حبيبتي ام جاسم وصفاتك مميزه وتستحق التنفيذ ا على الفور لله يباركلك يا رب ❤😘
تسلم ايدك حبيبتي ام جاسم كل وصفاتك تميز وابداع ربنا يحميك ويزيدك عم ونور…رووعه تبارك الله😍😍
يسعدلي الزوووووء والترتيب والعداله
عنجد ابداع من الآخر حبيبتي
انا كثيييير بستمتع وانا اتفرج على شغلك الراقي والمرتب
ايش هذا الفن والأناقة ربي يسعدك شي فاخرررر من الاخرررر😋😋😋😋😋😘😘😘
ماشاءالله تبارك الرحمن بشهي ومعدله كتير الله يبارك فيكي يا رب قيد تجربه يا معدله واكلك بشهي تبارك رحمن
روعه على المفضله على السريع💞💞💞💞💞
ماشاءالله تبارك الرحمن شكلهم بشهيييي الله يباركلك معدله وشغلك مرتب ومتقن 👌🌷🌷
ماشاءالله عاشت الايادي
ماشاءالله عليك مبدعه 😘
عاشت ايدج روعه
حلو
مبدعه ام جاسسسم يسلموا هالديااات
بس الشوكلاته بعد ماسيحتيها ضفتيلها شي
الله يسلمك ختووم
ضفتلها ملعقة زيت عشان يكون قوامها اطرى وما تتصلب كتير.
عاشت ايدج 😙😙
بنات بنصحكم تجربوها ..عملتها اليوم طلعت روعة ..الله يسلم ايديكي ام جاسم على هالوصفات ..ويبارك بصحتك😍😍
ام جاسم يسلموووو على هالوصفة جربتها روووووعة والله ازكى من الجاهز بمييييييية مرة 😍😍😍😍😍😍😍