بان كيك بطريقة مميزة وبسيطة سلسلة الوصفات التركية 11

33 4٬990
 

بان كيك بطريقة مميزة وبسيطة سلسلة الوصفات التركية 11

بان كيك بطريقة مميزة وبسيطة من "سلسلة الوصفات التركية" ♡11♡

بان كيك بطريقة مميزة وبسيطة سلسلة الوصفات التركية 11

بان كيك بطريقة مميزة وبسيطة سلسلة الوصفات التركية 11 , معكم صديقة زاكي الشيف الموهوبة , وصفتنا اليوم سهلة ولذيييذة وطريقة تقديمها بتختلف شوي عن العادة طبعاً الشي اللي أغلبنا ماكان بيعرفو انو الأتراك عندهم الفطور شي كتيييير مهم عادة نحنا مننوع بالغدا والطبخ أكتر لكن هنن بالعكس يعني في محلات كتييير هون مفتوحة خصيصاً للفطور والناس بتروح تفطر فيها وطبعاً بيتفننو بأكلات الفطور والمخبوزات بطرق كتير ان شاء الله اقدر انقللكم أكبر قدر ممكن منها طولت عليكم بالكلام ويلا نبلش بمقادير وصفتنا اللطيفة♡

المقادير

  • بيضة واحدة
  • ملعقتين سكر ورشة ملح
  • نصف كوب حليب
  • باكيت فانيليا
  • باكيت بيكينغ باودر
  • حوالي كوب طحين
  • مووووز مقطع شرائح مائلة

الخطوات

☆بسم الله الرحمن الرحيم☆

منخلط مكونات البان كيك مع بعضا ومنتركهم على جنب ليرتاحو شوي وبهالأثناء منقطع الموز بشكل مائل ليعطينا حجم أكبر للقطعة وطبعاً منكون مسخنين صاج أو مقلاية عالغاز مع نتفة زبدة

منغط قطع الموز بخليط البان كيك ومنشيلهم بهدوء منحطهم عالصاج الحامي وبعد مايستوو منرتبهم بطريقة حلوة لينبسطو الأطفال أو لننبسط نحنا كمان ههههههه

ومنحط عليهم خطوط من العسل أو الشوكولا أو صوص الكراميل

حبيت ورجيكم فكرة بسيطة كتير لتزيين الطبق

منحط شوية شوكولا سايحة ومنمدها بطريقة متعرجة بالفرشاية عالصحن ومنحط الأكلة اللي بدنا نقدمها عالأطراف

بس انا صفيت قطع البان كيك عالجوانب ومابقى بينت منيح هههههه

وهنا وألف عافية يا حبايب بتمنى تكون هالوصفة البسيطة واللذيذة عجبتكم♡

لاتنسونا من الدعاء

عرض التعليقات (33)