فطائر السبانخ بعجينة مختلفة وحشوة غير شكل سلسلة وصفات التوفير 18

24 8٬527
 

فطائر السبانخ بعجينة مختلفة وحشوة غير شكل سلسلة وصفات التوفير 18

فطائر سبانخ بعجينة مختلفة وحشوة غير شكل سلسلة وصفات التوفير

فطائر السبانخ بعجينة مختلفة وحشوة غير شكل سلسلة وصفات التوفير 18

فطائر السبانخ بعجينة مختلفة وحشوة غير شكل سلسلة وصفات التوفير 18 , معكم صديقة زاكي الشيف الموهوبة ,أم جاسم

المقادير

  • 5 كوب طحين
  • مقادير العجينة
  • 1كوب زيت ذرة
  • م.ك سكر
  • م.ك ممسوحة ملح
  • نصف م.ك خميرة
  • 2 م.ك نشا
  • 2 كوب ماء دافئ
  • مقادير الحشوة
  • حزمة سبانخ كبيرة
  • 2 بصلة كبيرة مفرومة وسط
  • 2 م.ك سماق
  • رشة ملح
  • عصير 2 ليمونة
  • كوب زيت زيتون

الخطوات

السلام عليكم ورحمة الله وبركاته

طبعا كلنا بنعمل السبانخ معجنات وكل الطرق ازكى من بعض انا بدوري حابه اقدم طريقتي وان شاء الله بتجربوها لانها كثيير طيبة والنشا اعطاها قرشة خفيفة من برا.

أولاً/ العجين

بنخلط الطحين معه الملح والزيت وبنخلطهم وبعدين بنضيف الخميرة والسكر وبنتابع الخلط، واخر خطوة بنضيف المي المضاف لها النشا وبنعجن مزبوط .

ملاحظة/

العجينة رح تطلع طرية ودبقة وهاد المطلوب لما تجي تمسكيها عشان تعمليها كروية للتخمير رشي شوية طحين على اديكي ولميها.

— اتركيها تتخمر لحتى يتضاعف حجمها.

ثانياً/ خلطة السبانخ الخطيييرة

استخدمت حزمة واحدة سبانخ حجم كبير فرمتها بعدين غسلتها على شكل نقع بصفايه والصفايه بجاط عشان ارفع الصفاية وكل الاتربة والاوساخ تترسب بالمي.

—بعد ما غسلنا السبانخ المفرومة بنضيف راسين بصل ابيض كبار مفرومين ناعم لوسط وملعقتين ممتلئات سماق اصلي ورشة ملح وعصير ليمونتين وكاسة زيت زيتون واخلطي هالمتفجرات مع بعضها وافركيهم ببعض واتركيهم بالجاط مغطيين لعدة ساعات.

— رح تلاقي مية السبانخ والبصل نزلت بتصفي السبانخ من السوائل مزبوط .

ملاحظة/

لا تطبخي السبانخ بدون طبخ ازكى بمليون مرة ولا بيسود لونها وعنجد طعمها خرافي مع هالخلطة المدهشة.

* في ناس بتحكيلك لا تتخلصي من السوائل تاعة السبانخ خليه بدون تعصير عشان الفوائد، هاد الحكي بصير اذا بدك تعمليها شوربة مثل الملوخية ماشي بس للفطاير لا لازم تتخلصي من السوائل لانه بعدين بتنزل بالخبز وبتشتش وبتفتح وبتصير حالتها حالة.

— حشوتنا جاهزة

ثالثاً/ التشكيل

نقطع العجينة كرات كبيرة وبحطها على سطح مرشوش طحين وبنبلش بكرة كرة نفرد بمساعدة رشات طحين طبعا العجينة مثل المعجونة بتفرد معك من روعتها وبتقطعيها دوائر بقطاعة او غطاء مرتبان وبنوزع حشوة السبانخ عليها وبنسكرها مثلثات.

رابعاً/ الشوي

بتشوي الفطائر بفرن محمي على اعلى حرارة بالرف الوسط وبتحمريها عالخفيف، وما تدهني الصواني زيت مارح تلزق.

خامساً/التقديم

قدمي المعجنات ساخنة وتمتعي فيها وادعيلي وصحة وهنا.

عرض التعليقات (24)