img
الرئيسة / معجنات / فطاير السبانخ الملونه زاكيه وصحيه

فطاير السبانخ الملونه زاكيه وصحيه

/
/
/
2091 مشاهدات

 

فطاير السبانخ الملونه زاكيه وصحيه

فطاير السبانخ الملونه زاكيه وصحيه

فطاير السبانخ الملونه زاكيه وصحيه

فطاير السبانخ الملونه زاكيه وصحيه , معكم صديقة زاكي الشيف الموهوبة ,رشا رشا

المقادير

  • 9 كوب طحين ابيض
  • 3 معالق كبيره خميره
  • 3 معالق كبيره سكر
  • 3 معالق صغيره ملح
  • كوب الا ربع زيت نباتي 3معالق كبيره خل ابيض
  • كوب وربع من ماء سلق الشمندر
  • كوب وربع من ماء عصير السبانخ
  • كوب وربع ماء دافئ
  • للحشوه:
  • سبانخ
  • لحمه مفرومه
  • بصل مفرووم ناعم
  • كمون
  • ملح
  • فلفل اسود
  • خليط التلميع:
  • بيضه مخفوقه
  • معلقه صغيره حليب سائل
  • معلقه صفيره خل

الخطوات

بسم الله نبدا

الحشوه سبانخ لحمه مفرومه بصل مفرووم ناعم كمون ملح وفلفل اسود بنحوس البصل واللحمه وبنضيف السبانخ والبهارات وبنحركهم وبنحوسهم مع بعض تقريبا خمس دقائق وبنتركها تبرد منيح قبل استخدامها بالحشو
خليط التلميع بيضه مخفوقه مع معلقه صغيره حليب سائل ومعلقه صفيره خل
بالبدايه بنقسم المكونات لثلاث عجائن لكل عجينه

العجينه الاولى

3 كوب طحين ومعلقه كبيره خميره ومعلقه كبيره سكر ومعلقه صغيره ملح وربع كوب زيت ومعلقه كبيره خل بنخلط المقادير الجافه مع بعض وبعد هيك بنعجن العجينه كثير منيح مع اضافه كوب وربع من الماء الدافي وبعد هيك بنضيف الزيت وبنستمر بالعجن لما تسير عنا عجينه طريه ومتماسكه بنتركها تخمر نص ساعه

والعجينه الثانيه الي هيه العجينه الزهريه

نفس الطريقه بس بنعجنها بماء سلق الشمندر

وبنغطيها وبتركها تخمر نصف ساعه

العجينه الثالثه بنفس الطريقه الاولى ولكن بنعجنها بماء سلق السبانخ وبنغطيها وبنتركها تخمر

ملاحضه يجب تدفئه ماء سلق الشمندر وماء عصير السبانخ قبل استخدامهم بالعجن لضمان نجاح عمليه تخمير العجينه

بعد متكون اختمرت العجينه وبنكون جهزنا الحشوه وبردت و بنقطع العجينه لقطع متساويه وبنرقها شكل مستطيل بنضع العجينه الملونه تحت وبنضع العجينه البيضه فوق وبنضع الحشوه فوقها وبنشكل العجينه وبنقطعها بالسكين وبنصفها بصينيه مدهونه قليل من الزيت وبنعمل شقوق على وجه العجينه وبندهنها بخليط التلميع وبنخبزها بالفرن على نار اكثر من متوسطه لما تستوي وتوخذ لون احمرار ذهبي وخفيف

للي ما بحب يلون العجينه بنقدر نعملها كلها عادي ونعجنها بالماء الدافي وبنشكلها حسب الرغبه

وانا شكلت منها رولات سبانخ والصور الاخيره الهم

وتقدم مع اللبن والسلطات والف صحه وهناا

طعم عجينه السبانخ والشمندر كثير زاكيي ومميز ورح تلاحضو هالشي

بتمنى من الجميع يجربها ان شاء الله تحبوها

تحياتي الكم جميعا رشا ام احمد

41 تعليقاً

  1. تبارك الرحمن عن جد ابدااااااع ماشاءالله عنك يارشا شيف بكل ما تحمل الكلمه من معنى فنانه ومبدعه ووصفاتك بتشهي و لذيييذه ومتقنه 👌😋😍

  2. تبارك الرحمن مبدعه فنانه الاا اكيد ما بتغير الانه صبغه طبيعيه شمندر وسبانخ 😍😍😍😍😍😍😍😍😍😍😍😍😍😍😍😍😍ابداع وتألق 😍😍

  3. ماشاءالله…ما اعرف شو احكي على الابداع والتميز والفن بكل الوانه الحلوة …شي رائع من كل الجوانب…عاشت ايدج يامعدلة وان شاءالله الفوز حليفك…🌷🌷💕💖

  4. ماشاء الله عليك رشا ،،،، حلوه الفكره للاولاد إلي ما بحبو السبانخ بصيروا يحبوه من الألوان،،،

  5. اخر شي كنت اتوقعوا
    اشي مبهر جدا ويرفع الراس
    ماشاء الله
    ..
    انتي هلاؤ عم بتنافسي مو زاكي وبس بل الغرب الكمان افكارك اللهم بارك تحف فنيه

    بالفعل مجوهرات

  6. كنت حالفه يمين اشارك بلمسابقه 🙃🙃🙃
    بس بعد ماشفت ابداعك خلص رح اصوم تلات ايام كفارة

    قال اشارك قال
    عليم الله بلف هالسبانخ متل السندويشه وبكورها ياسلام ولابالاخلام بالنسبه لاطفالي
    مساكين اطفالي ياحرام ع هيك ام ☺☺

  7. 🌹منى 🌹

    مبدعه بكل ما تحمل الكلمة حتى مبدعه قليله عليكي
    حاب اعر ف كيف هل افكار بتخطرلك تلوني لعجين
    الله يحميكي ويزيك من نعيمه

  8. ما شاء الله تبارك الرحمن الله يباركلي فيكم يا احلا واروع وردات تسلمولي على كلامكم الحلو ربي يحفظكم من كل شر بتمنى تجربوها وتعجبكم 😘😘

  9. روعااااتك ابداااعاتك بتجنن الله عليكي وعلى لمساتكي العبقريه عنجد منظرهن بشهي وخصوصا الوانهن للاولاد بينبسطو عليهن الله يحميكي من كل عين ما صلت عالنبي 😘😘

  10. شي مميز وحلو وبجد طرق بسيطه بتغير كل شي يعني الي عندها مشاكل مع اولادها وصعب ارضائهم اكيد مع الالوان الي بتفتح النفس رح ينبهروا ويحبوا هالشي متألقه ومبدعه رشرش الغاليه

  11. الله يباركلي فيكم حبيباتي وصديقاتي الغاليات
    بعجز لساني عن شكركم ربي يديم الثقه يا رب وتظلو دوم منورين وصفاتي بتعليقاتكم الرائعه 😘😍

  12. راااااااائعة حبيبتي رشا وشغلك كلو ابداع اللهم بارك
    ربي يسلم ايديكي ياعسل ويهني اهل بيتك فيكي😀😙
    السبانخ كنت بعرفها قبل بس الشوندر جديد عليي بالمعجنات وحبيتو كتيييييير شكلو بشهي
    الله يجزيكي الخير ياقلبي😀

  13. امممممم شوووو هيدا يا عيدددددااا والله انصدمت بس شفتهم اشي ولا بالخيييااااال الله يبارك فيكي ويبارك لاهلك فيكي كمان اشي خياااالي والله مني عارفة شو اقولك يا رشرش الله يسلم هالرااس اللي عليكي وع افكاروو شو حلووة ههههههههه

اترك رداً على ايام إلغاء الرد

لن يتم نشر عنوان بريدك الإلكتروني.