اصابع زينب على طريقة شيف أم مصطفى سلسلة وصفات التوفير 19

المقادير

• 2 كوب سميد ناعم
• 1 ونصف كوب طحين
• م.ك حليب بودرة
• م.ص خميرة
• م.ك يانسون حب اختياري
• 3/4 كوب زيت ذرة
• كوب ماء دافئ هيه بوصفة أم مصطفى ربع كوب بس نوع الطحين اللي عندي ما شرب مي فاحتجت كوب.
• فخلينا نحكي المي حسب الحاجة
• قطر 1:1 يغلي لمدة ربع ساعة عنار وسط

الخطوات

اصابع زينب على طريقة شيف أم مصطفى

السلام عليكم ورحمة الله وبركاته

طبعا بهالبرد دائما بندور على شي حلو يدفينا ولما شفت وصفة ام مصطفى لأصابع زينب قلت هاي هيه يلي بدياها وعالمطبخ على طول عملتها وطلعت اروع من الروعة.

أولاً/ العجينة

بنخلط كل المواد سوا عدا المي وبنصب المي شوي شوي لحتى تلم معنا العجينة وتصير متماسكة وغير دبقة ، بنتركها ترتاح شوي انا خليتها نص ساعة.

ثانياً/ التشكيل

بنقطع من العجينة كرات صغيرة بحجم حبة بندق بقشرها وبنعمل شكلها بيضوي وعلى مصفى او مبرشة انا استخدمت مصفى لانه حسيت بصعوبة عالمبرشة ، بنضغط عالعجينة وبنسحبها مع الضغط لحتى يطلع عنا شكل ملتوي .

ثالثاً/ القلي

بنحمي الزيت على حرارة وسط وبنزل حبات اصابع زينب وبوطي الغاز عالهادي عشان يستوي ويقرمش مزبوط.

وبعد مايستوي ويتحمر بنطلعه عالقطر فوراً.

وقدميها وصحة وهنا كل مابردت بتطلع ازكى.