طريقة عمل الليزي كيك اللذيذ سلسة وصفاتي المشكله 13

28 6٬496
 

طريقة عمل الليزي كيك اللذيذ سلسة وصفاتي المشكله 13

ليزي كيك لذيذ سلسة وصفاتي المشكله 13

طريقة عمل الليزي كيك اللذيذ سلسة وصفاتي المشكله 13

طريقة عمل الليزي كيك اللذيذ سلسة وصفاتي المشكله 13 , معكم صديقة زاكي الشيف الموهوبة ,🍒أم محمّد🍒

المقادير

  • 5 كوب حليب سائل
  • 5 ملاعق طحين
  • كوب سكر
  • 3 ملاعق كاكاو
  • 3 ملاعق نشا
  • بسكويت ساده
  • نص معلقة كبيره زبده
  • نص معلقة صغيره فانيلا
  • لوح شوكولا ساده بالكاكاو للخليط
  • علبة قشطه أختياري
  • للتزين لوح شوكولا ساده

الخطوات

يسعد مساااكم وأوقاتكم …اليوم وصفتنا ليزي كيك لذيذ من سلسة وصفاتي المشكله ان شاء الله تعجبكم

يلاااا مع شرح الوصفه ….

& بخلط الطحين والنشا والكاكاو والسكر سوا عالناشف وبعدين بضيفلهم الحليب بالتدريج وبحرك باستمرار ومن ثم بضعه عالنار وسط ومع الاستمرار بالتحريك لحتى يثقل معي الخليط بضيف عليه نص معلقه فانيلا وخلال ما هو صار يغلي معي بوطي تحته النار وببلش بأضافة قطع من شوكولا ساده ..وبحركهم سوا لحتى تذوب الشوكولا ومن ثم بضيفله نص معلقة الزبده ومن ثم علبة القشطه وبحركهم سوا لحتى تذوب القشطه وهيك بكون معي الخليط صار بالثقل المطلوب ..بشيله عن النار

& بقالب سيلكون او بايركس ..بضع فيه نايلون تغليف او قصدير عشان لما اقلبه يطلع معي بسهوله ..ولكي الخيار تبلشي بطبقة بسكويت او طبقة من الخليط ..انا بلشت بالسكويت وبلشت باضافة الطبقات لحتى خلصت الكميه واخر طبقه بتكون من الخليط .. وضعت بكل طبقة بسكويت طبقتين فوق بعض وانتي ألك الخيار كمان بسمك البسكويت يا اما طبقه يا اما طبقتين وبغلفه وبضعه بالثلاجه ليله كامله ..وثاني يوم بقلبها وبزينها بالشوكولا ذوبتها بحمام مائي وزينة فيها ليزي كيك وهيك جاهزه معي للتقديم …

هالنوع من الحلويات حلو تعمليه بالعزايم او الزيارات او المناسبات لانها بتنعمل من قبل بيوم بتريحك لانها بتكون جاهزه معك للتقديم ..والحلويات البارده بشكل عام الها اكتر من طريقه واكتر من شكل وبتتنوع بشكل كبير ..

صحه وعافيه ❤

دمتم بكل خير

عرض التعليقات (28)