طريقة عمل المكدوس سلسلة اقتصادي وسهل 14

26 8٬148
 

طريقة عمل المكدوس سلسلة اقتصادي وسهل 14

طريقة عمل المقدوس سلسلة اقتصادي وسهل14

طريقة عمل المكدوس سلسلة اقتصادي وسهل 14

طريقة عمل المكدوس سلسلة اقتصادي وسهل 14 , معكم صديقة زاكي الشيف الموهوبة ,ام علاء ابو يحيى

المقادير

  • 4كيلو باذنجان صغير من النوع الجيد
  • نصى كيلو جوز
  • شطه حمرا الكميه حسب الرغبه
  • كميه من الملح
  • زيت زيتون او زيت مازولا
  • ثوم مقشر ومفروم الكميه حسب الرغبه

الخطوات

بسم الله الرحمان الرحيم

يسعد اوقاتكم حبيباتي اليوم 1/1بداية السنه الجديده وكل عام وانتم الى الله اقرب وكل عام وانتم في تمام الصحة والعافيه ربنا يكرمكم جميعا ويحقق لكل وحده فيكم امنيتها

اخواتي الكريمات بما انه حاليا موسم المقدوس وزيت الزيتون حبت اذكركم واقدم الكم طريقتي الي بعملها من سنين ومتعوده عليه وتعلمتها من اخت سوريه من حلب ربنا يكرمها ويمد بعمرها وين ما راحت

يلا نشوف الطريقه

اول شي بحضر الباذنجان بغسله وبسلقه في ما ساخن لمدة عشر دقائق او لما تشوفي الحبه صارت طريه شوي اوعي تسلقيه زياده لانه رح ينهري وتخسريه

الخطوه الثانيه بعد ما يبرد الباذنجان بنشيل القمع الموجوده عليه وبنفتح حبة الباذنجان بالطول من الجنب وبنحط في كل حبه قدر معلقه صغيره او اقل حتى تخلص الكميه واحذري من زيادة الملح بشكل كبير لانه رح يطلع القدوس مالح وما بتقدري تاكليه

الخطوه الثالثه برص حبات القدوس في مصفايه بلاستك او ستانلس بضع تحت المصفايه وعاء حتى تتصفى المي فيه ةبضع فوف المصفايه صينيه وفوق الصينيه او السدر اي شي ثقيل لمدة يومين حتى تتصفى كل المي الموجوده بالباذنجان وبكون محضره الحشوه الي هي عباره عن جوز مفروم وثوم مفروم وشطه والشطه والثوم الكميه حسب الرغبه بنخلطهم مع بعض وانا بالنسبه الي بحطلهم بشوية زيت صغيره حتى يتجانسو مع بعض اي زيت مازولا زيتون مخلوط عادي

الخطوه الرابعه بنقوم بحشو حبات الباذنجان بالجوز والشطه

والثوم حتى نفاذ الكميه وما بضيف ملح للخلطه

لانه الباذنجان مملح وبتكفي الكميه لكن في ناس بحطو رشه ملح على

الخلطه

والخطوه الخامسه بحضر مرطبانات نظيفه وجافه خاليه من اي مياه وبرص الباذنجان كويس وبعدين بقلبه وهو مفتوح بحط تحته صحن حتى تتصفى المي الموجوده في الباذنجان وحاليا الاجواء بارده لو ضلوا بهاذه الحاله طول الليل ما بأثر وبعدين بضيف الزيت وبغلق المرطباتات جيدا وبتركها حتى تنضج بدها من اسبوعين ال ثلاثة اسابيع واحيانا اكثر حسب نوع الباذنجان ودرجة سلقه

ملاحظه….لا تعبي الرطبان للاخر لانه رح يتسرب الزيت للخارج وتمتلىء خزائن المطبخ بالزيت

بالنسبه للزيت دائما بستخدم زيت الزيتون ما بياخذ كميه كبير وانا المره حبيت اجرب الزيت المخلوط زيت زيتون مع زيت ذره

هذه طريقتي معتمديتها من سنوات يا رب تعجبكم وبشكر حبيبة قلبي رشا ام احمد يلي شجعتني انزلها

استودعتكم لله الذي لا تضيع ودائعه

عرض التعليقات (26)