بروستيد جاج بطريقة بسيطة

9 4٬099
 

بروستيد جاج بطريقة بسيطة

بروستيد جاج بطريقة بسيطة

بروستيد جاج بطريقة بسيطة

بروستيد جاج بطريقة بسيطة, معكم صديقة زاكي الشيف الموهوبة ,وردة الأردن(الجبل)

المقادير

  • جاج مقطع انا عملت جاجتين
  • راس ثوم مهروس
  • عصير ليمون
  • للتتبيل:
  • ملح
  • فلفل
  • بهارات جاج او مشكلة
  • كاري
  • للتغليف حسب الي بيكفي الجاج:
  • طحين
  • بيض

الخطوات

طبعا بنظف الجاج وبنغسله منيح وبنتبله بالملح والفلفل والبهارات والكاري والثوم المهروس وعصير الليمون وممكن نضيف شوية زيت يفضل من بالليل نبيت الجاج بالتتبيلة بعدين بنحط صحن طحين وصحن تاني فيه بيض مخفوق

بنبلش ناخد الجاج قطعة قطعة بأيد بنحط قطعة الجاج بالبيض بالأول وبعدين بالطحين وبعد ما نخلص الكمية بنسخن الزيت بيكون غزير وبنبلش نحط بقطع الجاج بالزيت ع حرارة متوسطة حتى ما ينحرق ويستوي من جوا

بنقدمه مع بطاطا مقلية ومثومة وسلطة وبيصير كمان رز متل ما بتحبوا

وصحيح هو بروستيد البيت ما بيطلع تماما متل طعم بروستيد المطاعم وتتبيلتها بس بيضل أزكى وانظف وأحسن بكتير

صحة وهناااا

عرض التعليقات (9)