img
الرئيسة / سلطات و مقبلات / فتة المكدوس (الباذنجان) سهلة وسريعة

فتة المكدوس (الباذنجان) سهلة وسريعة

/
/
/
2322 مشاهدات

 

فتة المكدوس (الباذنجان) سهلة وسريعة

فتة مقدوس (الباذنجان) سهلة وسريعة

فتة المكدوس (الباذنجان) سهلة وسريعة

فتة المكدوس (الباذنجان) سهلة وسريعة , معكم صديقة زاكي الشيف الموهوبة ,وردة الأردن(الجبل)

المقادير

  • خبز شامي رغيفين
  • باذنجان حبتين وسط
  • نص كوب طحينة
  • كوب لبن رايب
  • عصير ليمونة ونص
  • ملح
  • فلفل أسود
  • ثوم مهروس
  • للتزيين:
  • شرحات خيار
  • بندورة
  • شوية بقدونس
  • أو متل ما بتحبوا

الخطوات

كتير سهلة وسريعة هالمقبلات ولذيذة كتير كمان

أول شي بنقطع الخبز لمربعات وبنحمصة يشوية زيت وبنفرشة بصحن واسع شوي

بنقطع الباذنجان كمان مكعبات وبنقليه وبنحطه فوق الخبز المحمص

بنحضر الصوص بنحرك الطحينة بشوية مي مع عصير الليمون وبنضيفها للبن وبنحركهم منيح حتى يتجانسوا بنضيف الثوم المهروس وبنصبها على الباذنجان والخبز المحمص وبنحط فوقه كمان شوي من الخبز المحمص المقرمش طبعا ما ننسى نملحها ونفلفلها حسب الرغبة وبنزينها متل ما بنحب

على فكرة هالوصفة بتنعمل قبل ما تتاكل بشوي يعني لازم على طول تتاكل بعد التحضير منشان الخبز تبعها ما يفقد قرمشته وزكاوته هاي هيك بأبسط طريقة وممكن تتفنني فيها تضيفي على وجها كمان شوية لحمة مفرومة ومقلية لوز أو فستق مقلي وبس هيك وبتتقدم مع أي شي بطاطا فول مدمس سلطة أو أي أكلة تانية

صحة وهناااا

10 تعليقاً

  1. اولا يعطيكي العافيه والسمحيلي مش هيك فتة المكدوس وفتة المقدس خلقت لسورين وفي فرق كبير بين فتة الأردن والفته السوريه وانا مش سوريه بس اكلته كتير وبعملها وبشكرك لاتفهمك حبيبتيوالف عافيه على قلبك يااحلا صديقه

  2. تسلمي حبيبتي رجاء رأيك وتعليقك على راسي بس هاي فتة المقدوس بأبسط طريقة وأكيد لكل حدا طريقته الخاصة وفي الطريقة الاصلية كمان بس جد هاي طريقة سهلة وسريعة والاهم لزيزة جربيها اختي ان شاء الله تعجبك

اترك رداً على وردة الأردن(الجبل) إلغاء الرد

لن يتم نشر عنوان بريدك الإلكتروني.