طريقة عمل الدجاج المحشي ورولات مسخن

21 5٬911

طريقة عمل الدجاج المحشي ورولات مسخن

دجاج محشي ورولات مسخن

طريقة عمل الدجاج المحشي ورولات مسخن

طريقة عمل الدجاج المحشي ورولات مسخن , معكم صديقة زاكي الشيف الموهوبة ,ام عمر

المقادير

  • للدجاج المحشي:
  • ٤ جاجات او حسب الرغبة
  • راسين بصل
  • ٤ معالق لبن رايب
  • كاستين ونص رز مصري
  • بهارات مشكله
  • فلفل اسمر
  • معلقتين سماق
  • ملح
  • لرولات المسخن:
  • ٣ سفاين دجاج
  • خمس روس بصل
  • ٤ معالق سماق
  • خبز شراك
  • بهارات
  • فلفل اسمر
  • بصلة لسق الدجاج

الخطوات

بنبلش بالجاج المحشي بنضف الجاج منيح من جوا وبره بنكون ناقعين الرز وبنتبله بالبهارات والفلفل والملح وبنحشي الجاج وبنخيط الفتحه وبنصف الجاجات بطنحره وبنفرم عليهم راس بصل وبنغمرهم بمي سخنه وبنسلقهم مدة ساعه وربع

بس يستوو الجاج بنطلعه من المرقه وبنحط بصحن لبن رايب وبهارات وفلفل وسماق وسنين توم مدقوقين وملح وبندهن فيهم الجاج وبندخله الفرن يتحمر وبنفلفل رز اصفر متل رز المنسف وبنحط الجاج فوقه وهيك صار جاهز للتقديم

رولات المسخن بنسلق السفاين مع بصله شرايح مدة نص ساعه وبس يستوو بنسحبهم من العظم وبطنجرة تانية بنحط خمس بصلات مقطعات شرايح وزيت زيتون وبنضل نقلب ليدبل وبعدين بنحط الجاج المسحب والفلفل والبهارات والملح وبنقلبهم خمس دقايق وبنطفي تحته بنقطع خبز الشراك لمثلثات وبنحط الحشوه وبنسكر الخبز من الجهتين وبنلفها رول وبنرشها بالسماق وبنكبسهم عالجريل او بصنية تيفال بنحميها عالنار وبنحط فيها شوية زيت والسندويشات وبنكبسهم بغطا طنجره بنقدم الاكل مع لبن وسلطه

وصحه وهنا

عرض التعليقات (21)