كيكة على شكل قميص رجالي

51 7٬356
 

كيكة على شكل قميص رجالي

كيكة على شكل قميص رجالي

كيكة على شكل قميص رجالي

كيكة على شكل قميص رجالي, معكم صديقة زاكي الشيف الموهوبة ,

المقادير

  • كيكة فانيلا مستطيلة
  • عجينة سكر
  • كريمة الزبدة
  • الوان غذائية

الخطوات

السلام عليكم ورحمة الله وبركاته

من أجمل الهدايا اللي ممكن تقدميها لزوجك او والدك او اخوكي او ابنك هيه انه تعمليله كيكة بإيدك تكون مميزة ويفرح فيها ، واليوم هالكيكة عملتها على شكل قميص رجالي ، الصراحة كنت حابه تكون متقنة اكثر من هيك بس الوقت يلي عملتها فيه قياسي يمكن ثلث ساعة كنت مكمليتها لانه كنت مستعجلة وعندي اكثر من كيكة بدهم شغل ، المهم خلينا نشوف الطريقة

أولاً/ الكيكة

بنحتاج كيكة مستطيلة يكون حجمها متوسط لا صغيرة ولا كبيرة بنغلفها بكريمة الزبدة وبنبردها نص ساعة قبل بدء العمل.

ثانياً/ عجينة السكر

بنحتاج عجينة سكر ونزلت طريقتها على زاكي من قبل ، وبتلونيها باللون اللي بدك ياه انا فضلت اخليها بيضاء .

— وبتحتاجي عجينة اضافيه لعمل القبة والجيبة وربطة العنق والوانهم زي مابدك.

ثالثاً/ البترون

بدنا نعمل بترون للقبة والجيبة والربطة ، والبترون هوه رسمة القطعه على كرتونة او ورقة عشان نقص على مقاسها ، قيسي على قميص حقيقي.

رابعاً/ تحضير القطع وتجميعها

بتقصي قطع القبة والجيبة والربطة وبتجهزيهم عشان نلصقهم على الكيكة .

— القبة عملتها وطويتها وتركتها شوي تنشف قبل ما الصقها عشان تاخد الشكل وتثبت عليه.

—الربطة قصيها واعملي عليها شكل مثل الخطوط المائلة اغلب الربطات هيك شكلها .

— بنلصق القطع بأماكنها بندهن عالقطعه ماء خفيف جدا مسحة يعني وبنلصق .

ملاحظة/

اذا زودتي الماء رح تسحسح الالوان على بعض وتخرب كلشي.

خامساً/ اهتمي بالتفاصيل

في تفاصيل صغيرة حلو تهتمي فيها مثل ازرار القميص انا قطعتهم بقمع كريما وعملت ثقبين بعود اسنان.

ومثل انه تعملي علامات خياطة على الجيبة برضه بعود خشب حلو بيعطيكي تأثير انه حقيقي.

سادساً/التقديم

قدمي هالكيكة الحلوة وفرحي فيها حبايبك رح ينبسطوا كتير ويتفاجئوا بهيك كيكة وصحة وهنا.

عرض التعليقات (51)