طريقة صينية الحلبه عشق لا ينتهي

22 7٬780
 

طريقة صينية الحلبه عشق لا ينتهي

حلبة عشق لا ينتهي 😋😋

طريقة صينية الحلبه عشق لا ينتهي

طريقة صينية الحلبه عشق لا ينتهي , معكم صديقة زاكي الشيف الموهوبة ,

المقادير

  • ٦ كاسات سميد خشن
  • كاسة ونص زيت زيتون وفيكن تحطو نصها زيت ونصها سمنة
  • معلقة كبيرة فانيلا
  • معلقة كبيرة بيكنغ باودر
  • معلقة كبيرة خميرة
  • كاسة طحين
  • فنجان صغير سكر
  • ثلاث أرباع الكاسة حلبة
  • سمسم
  • قزحة

الخطوات

**اول شي منغلي الحلبة ع الغاز لحتى تنفش حبتها وتكبر شوي ومن مية الحلبة مننقع الخميرة

** تاني شي منحط بجاط لسميد والبيكنغ والفانيلا والسكر والزيت والطحين والسمسم والقزحة ومنبلش نبس فيهم لحتى الزيت او السمنة تدخل بكل حبة من حبات لسميد

** تالت شي منجيب حبات الحلبة بعد غليها ومندبرهم ع الخلطة ومنحركهم شوي

** بعدين منبلش ندير من مية الحلبة عليها ونعجنهم مع بعض ( تقريبآ بتاخد نص كوب او اكتر شوي من ماء الحلبة )

** حتى نصغط عليها براحة اليد تتشكل معنا

** بعدين منحط بالسدر طحينية ومنفردهم ومندير الخليط في

** بعدين منجيب شوية مي ومنصير نغط ايدنا بالمي ومنمشيها ع السدر بالكامل

** بعدين منتركهم يتخمرو شي نص ساعة

** وعلى الفرن مباشرة يا حلوات وساعتها بلشي شم روائح الحلبة بتعبي البيت ويا لزيز يا رايق

** اول ما نطلعها من الفرن منسقيها بالقطر البارد

** طبعآ التقطيع قبل التحمير ولما تتحمر وتجهز منرجع منعلم مكان التقطيع

وريتووووووووو عووووووووووافي

اعملوها مش حتندمو لأنها طيييييييبة كتييير

وهاي الحلبة عملي انا وسلفتي اليوم كنت معزومة عند دار حماي وخطرت ببالي انا وسلفتي وقمنا تعدلنا وعملنا انفجاااااااار بالمطبخ بس الحمدلله بالأخير طلع معنا شي طيب وعجب الكل

عرض التعليقات (22)