طريقة عمل اقراص اللحمة مو معجنات هههه متل ايام زمان عطلب زوجي

25 12٬379
 

طريقة عمل اقراص اللحمة مو معجنات هههه متل ايام زمان عطلب زوجي

مو معجنات هههه قراص بلحمه متل ايام زمان عطلب زوجي

طريقة عمل اقراص اللحمة مو معجنات هههه متل ايام زمان عطلب زوجي

طريقة عمل اقراص اللحمة مو معجنات هههه متل ايام زمان عطلب زوجي , معكم صديقة زاكي الشيف الموهوبة , القصه وما فيها زوجي طلب من حماتي تعملو قرااص هاااا مو معجنات هههه متل ايام زمان الحبه كبيره بلحمه ومعها مكعبات بطاطا صغيييببره عطريقتها فلما حكتلي جوزك جاي عبالو عملتو انا لانه هي تعبانه وحكتلي كيف بتعملو مع البطاطا يلا نشوف كيف

المقادير

  • عجينه ال ١٠ دقايق ما راح اكتب الطريقه راح انزلها بصوره
  • لحمه مفرومه خشن
  • حبتين بصل كبار مفرومين ناعم
  • حبه بطاطا كبيره مقطعه مكعبات صغييره متل السلطه
  • زيت قلي
  • زيت زيتون
  • ملح
  • فلفل اسود
  • رشه بهار مشكل

الخطوات

اول شي بتقطعي البطاطا مكعبات ناعمه وبتحطي بالمقلى كميه زيت قلي مع زيتون وبتحطي البطاطا تتقلى ما بدنا تتحمر المهم تستوي بتتركيهم شي ٨ دقايق مع التحريك عنار هاديه بعدين بتضيفي نص فنجان مي عشان بدنا تستوي وما تتحمر وبتضلي تقلبي لتستوي واذا احتجتي شويه مي زيدي

هلا بنفرم البصل ناعم وبنحوسو مع زيت بس يستوي بنضيف اللحمه وبنضل نقلب وبنضيف الملح والفلفل والبهار لحتى تستوي اللحمه ويذوب البصل بنحطها بصفايه لتصفي الزيت وتبرد شوي بنضيفلها البطاطا وبنحرك

بنبلش نقطع العجين ونحشي وبنخلي حجم الحبه كبيره مهو قراااص مو معجنات هههههه وبتصفيهم بصواني مدهونه زيت زيتون كميه منيحه وبتشوي ليتحمر من تحت وحمري من فوق وصحتين

واذا زادت عجينه اعملي بيتزا ومعجنات نقانق متلي

عرض التعليقات (25)