طريقة عمل الكباب الهندي بسيط ولذيذ

40 10٬479
 

طريقة عمل الكباب الهندي بسيط ولذيذ

كباب هندي بسيط ولذيذ

طريقة عمل الكباب الهندي بسيط ولذيذ

طريقة عمل الكباب الهندي بسيط ولذيذ , معكم صديقة زاكي الشيف الموهوبة ,

المقادير

  • كيلو لحمة كفتة
  • كيلو بندورة حمراء
  • 2 حبة بصل
  • بهارات لحمة
  • كزبرة ناشفه
  • ملح
  • فلفل
  • زيت زيتون
  • 5 سن ثوم مهروس

الخطوات

السلام عليكم ورحمة الله وبركاته

من انواع الكباب المشهورة الكباب الهندي بمنظره الحلو ومذاقه الرائع وسهولته.

أولاً/ اللحمة

بنتبل لحمة الكفتة بملح وفلفل وزيت الزيتون ورشة بهارات خفيفة مثل كزبرة ناشفه بتكفي وبنشكلها اصابع متوسطة .

—بنقليها بزيت قليل بس تحمير عالماشي يسكر مسامها ويعطيها نكهة طيبة. وبنحتفظ بالقلاية وبواقي قلي اللحمة بنحتاجهم بالصلصة.

ثانياً/ الصلصة

—بنجهز كمية من البندورة يفضل تكون حمراء وبنجرحها عشكل x وبنزلها بمي بتغلي 3 دقائق بس لحتى تفصل القشرة بنطلعها وبنقشرها وبنفرمها.

—بنفس القلاية اللي قلينا فيها اللحمة بنزل بصلتين مفرومين جوانح و5 سنون ثوم مهروس وبنقلبهم بزيت الزيتون مع ملح وفلفل لحتى يذبلوا بنزل البندورة المفرومة وبنخليها تستوي نصف استواء.

ثالثاً/ التسبيك بالفرن

بنجهز صينية فرن وبنزل فيها الصلصة وبنرتب عليها الكباب وبندخلها فرن محمي على اعلى حرارة لمدة نصف ساعة تتسبك. وصحة وهنا

ملاحظة/ الفرق بين الكباب الهندي وداوود باشا

داوود باشا فيها فليفلة وبطاطا بالاضافة للكفته ، وبتتاكل مع رز وصلصتها بتكون اكثر من الكباب الهندي وبنطبخ كليا عالغاز.

الكباب الهندي مافي خضار غيرالبندورة والبصل والثوم وبيتاكل بخبز وممكن مع ارز بس الاصل مع خبز وبتتسبك بالفرن.

عرض التعليقات (40)