هريسه محشيه بالجوز وجوز الهند والقرفه..لعشاق الجوز والقرفه

50 9٬005
 

هريسه محشيه بالجوز وجوز الهند والقرفه..لعشاق الجوز والقرفه

هريسه محشيه بالجوز وجوز الهند والقرفه..لعشاق الجوز والقرفه

هريسه محشيه بالجوز وجوز الهند والقرفه..لعشاق الجوز والقرفه

هريسه محشيه بالجوز وجوز الهند والقرفه..لعشاق الجوز والقرفه, معكم صديقة زاكي الشيف الموهوبة ,

المقادير

  • خمس كاسات سميد خشن
  • كاسه الاربع زيت
  • نص كاسة سكر…السكر حسب الرغبه
  • كاستين لبن رايب ممكن تحتاجي نص كاسه
  • معلقتين صغار بكنج باودر
  • ربع معلقه زغيره كربونه
  • الورد
  • او ماء الزهر
  • للحشوه:
  • جوز مفروم
  • قرفه باودر
  • جوز هند..حسب الرغبه
  • للقطر:
  • كاستين سكر
  • كاستين ونص مي
  • عصرة ليمون
  • اي نكهه بتحبيها
  • ماء

الخطوات

بسم الله الرحمان الرحيم

يسعد اوقاتكم جميعا ربي يسعدكم ويجعلكم من سعداء الدارين ويعينكم على الحياه ويجعلكم جميعا من الذين رضي الله عنهم ورضوا عنه

اخواتي حابه اقدملكم اليوم حلوى شعبيه كلنا بنعرفها وبنعملها باستمرار وما بنستغني عنها خاصه في هذه الايام البارده الي هي الهريسه بس بشكل مختلف شوي وبنكهه خاصه خاصة لعشاق الجوز والقرفه الي هي هريسه محشيه بالجوز وجوز الهند

والقرفه وبامكانك تستغني عن جوز الهند اذا ما بتحبيه

يلى نشوف طريقتها

اول شي بنحضر جميت المواد لسهولة العمل نضع السميد وجميع المواد الجافه مع بعض ونضيفلها الزيت وبنحركها بالشوكه وبنتركها مدة ثلث ساعه حتى تتفتح حبات السميد وبنضيف اللبن شوي شوي حتى تتجانس جميع المواد وتكون سيولتها مقبوله لا سائله ولا صلبه وبعدين بنحضر سدر اوصينيه وبندهنه بالطحينه او الزيت انا المقدار الي عملته خمس كاسات كبار لسدر متوسط الحجم وبقسم العجينه نصين بمد النص الاول بالسدر وبسويه بايدي كويس وبرش الجوز والقرفه وجون الهند وببل ايدي وبضغته شوي حتى يقبت على العجينه وبعدين بمد الجزء التاني شوي شوي وبقطعه وبزينه بالوز اوالفستق المتوفر طبعا بكون محميه الفرن على درجه حراره180بحطه على الرف الاوسط ولما تتحمر الاطراف بحمره وبسقيه بالقطر واذا بتحبي حطي معلقة سمنه على وجه الهريسه قبل ما تسقيها حتى تعطيها لمعه

طبعا القطر بكون بارد

طريقة القطر

كاستين سكر

كاستين ونص مي او كاستين اذا بتحي القطر يكون ثقيل وعصره ليمون وبنحركه وبنتركه يغلي سبع دقائق وبنحطله اي نكهه بنحبها

وبنصح عشاق الجوز والقرفه يجربوها لانهاكثير طيبه

هاي طريقتي ويا رب تعجبكم يا وردات..سامحوني طولت عليكم

ربنا يكرمكم ويحفظكم

استودعتكم لله الذي لا تضيع ودائعه

والسلام عليكم ورحمة الله وبركاته

عرض التعليقات (50)