تزيين كيك بسيط للمبتدئات على شكل سلة ورد

46 6٬182
 

تزيين كيك بسيط للمبتدئات على شكل سلة ورد

كيكة مع تزيين بسيط للمبتدئات على شكل سلة ورد

تزيين كيك بسيط للمبتدئات على شكل سلة ورد

تزيين كيك بسيط للمبتدئات على شكل سلة ورد , معكم صديقة زاكي الشيف الموهوبة ,

المقادير

  • كيكة فانيلا مستطيلة
  • كريمة زبدة
  • عجينة سكر او كريما

الخطوات

كيكة سلة ورد

السلام عليكم ورحمة الله وبركاته

قد ما نجرب انواع كيكات وتزيين ما بنمل لانها عالم وااااسع وجميل وممتع ، اليوم عملت سلة ورد بطريقة مبسطة للمبتدئات ان شاء الله تعجبكم.

أولاً/ الكيك

بنحتاج كيكة مستطيلة وبنقسمها لثلاث اقسام متساوية عشان تعطينا ارتفاع حلو، واذا طلعوا مش نفس المقاس بتحطيهم فوق بعض وبالسكين بتساوي مقاساتهم وبتزبطيهم.

ثانياً/ الكريما

استخدمت كريمة الزبدة لانها بتتماسك وما بتفقد شكلها

وحشيت الثلاث طبقات كريما ولزقتهم وغلفتهم بالكريما وعالثلاجة نص ساعة بس تجمد معك اسهل للشغل.

ثالثاً/ تشكيل السلة

بنلون جزء من الكريما بكاكاو عشان تعطينا لون بني وبنخلي جزء سادة.

— وبنصير نعصر بالطول اللون البني بالقمع المسنن وبالعرض بنعمل خطوط عرضيه صغيره فوق الخط البني، وبنتابع خط طولي وخطوط عرضيه لحتى نكمل كل السلة.

رابعاً/ الورود

لعمل الورود الك الخيار اما بتعمليهم من كريما اذا كنتي بتعرفي تعملي ورود فيها او بتعمليهم بعجينة السكر زي ما عملت انا ما كفت كمية الكريما للورود فعملتهم بالسكر.

— بتشكلي ورود باشكال والوان متعدده وبترتبيهم أعلى سلة الورد رح يلزقوا بالكريما ما بدهم لاصق.

خامساً/التقديم

قدمي كيكتك في اي مناسبة وفرّحي اهل بيتك وصحة وهنا

عرض التعليقات (46)