حلى كرات جوز الهند وصوص الكراميل

19 4٬721
 

حلى كرات جوز الهند وصوص الكراميل

حلى كرات جوز الهند وصوص الكراميل

حلى كرات جوز الهند وصوص الكراميل

حلى كرات جوز الهند وصوص الكراميل , معكم صديقة زاكي الشيف الموهوبة ,

المقادير

  • بقايا كيك
  • بكيت بسكوت ساده
  • صوص كراميل
  • حليب مكثف
  • ظرفين كريما
  • حليب بارد للكريما
  • جوز هند
  • كاكاو لتلوين جوز الهند

الخطوات

يسعد مسااكم وكل أوقاتكم ..وصفتنا اليوم بسيطه وسهله وزاكيه بتمنى تعجبكم وتجربوهاا

ويلااا مع شرح الطريقه …

يلي شجعني لعمل هالوصفه بقايا كيك زاد عندي فحترت ايش اعمل فيه وفكرت وطلعت معي هالوصفه والطعم روووعه وسميتها حلى كرات جوز الهند بصوص الكراميل

& اول شي بنخفق ظرفين كريما مع حليب باارد ..ومن ثم بحطله حليب مكثف محلى تقريبا حطيت 6 ملاعق

وحركتهم سوا …وبعدين ضفت جوز هند الكميه متل ما بتحبو انا حطيت كمان 6 ملاعق اذا حبيتو زيدو كميته وحركتهم سوا ووضعت للخليط معلقتين صوص كراميل وبغطيهم وبحطهم بالثلاجه لحين الاستخدام

& بطحن بقايا الكيك نااعم وبكيت بسكويت ساده ناعم

وبخلطهم سوا وبضيفلهم كميه وفيره من صوص الكراميل وبعجنهم سوااا وبعدين بضيف خليط الكريما وبعجنهم لحتى يتكون عندي عجينه بقدر اتحكم فيها ..

وبعد هيك ببلش اكورهم لكرات صغيره وبعد ما اخلصهم بحطهم بجوز هند مخلوط بكاكاو وبغلف جميع حبات الحلى بجوز الهند ..وبدخلهم الثلاجه لحين وقت التقديم

وهيك وصفتنا البسيطه صارت جاهزه معنا

ممكن تستخدمي كيك شوكولا بالوصفه ..

وممكن تستخدمي صوص الشوكولا بدل صوص الكراميل

ملاحظه : خلال تشكيلهم راح تحتاجي انك تبلي ايدك مي مسحه بسيطه بين الحين والاخر لانهم بلزقو بايدك من دون مي

ان شاء الله تعجبكم وتجربوها وتحياتي الكم

وصحه وعافيه

دمتم بكل الخير

عرض التعليقات (19)