img
الرئيسة / كيكات / مجموعة كيكات باشكال مختلفة

مجموعة كيكات باشكال مختلفة

/
/
/
3754 مشاهدات

 

مجموعة كيكات باشكال مختلفة

مجموعة كيكات باشكال مختلفة

مجموعة كيكات باشكال مختلفة

مجموعة كيكات باشكال مختلفة , معكم صديقة زاكي الشيف الموهوبة ,

المقادير

  • كل كيكة رح اكتبها بالتفصيل

الخطوات

كيفكم صبايا…….انا غبت كتييييير لانشغالي والله

مو بايدي…… لهيك جمعت جميع طلبياتي الكيك بوصفة وحدة وكل كيكة رح اشرح عنها بالتفصيل

لانه الكيكة شغلها مابختلف بس اللي بختلف الزينة

وبرجع وبحكيلكم طريقتي للكيكة موجودة بملفاتي ازا بتحبو تلجئولها

اولا: كيكة الباربي

هي عبارة عن كيكة باربي على كيكة دائرية

طبعا الكيكة الدائرية عملتها بصينية مدورة عادي وغلفتها بكريما وزينتها

والكريما محطوط عليها ملونات غذائية حسب اللون اللي بدي ياه

بالنسبة للباربي عملت تلات صواني كيك مدور بس حجم اصغر من القاعدة وقصيت الكيكة متل ماهو مبين بالشكل وبعدين جبت الباربي وغزيتها بالكيكة وبعدين كله غلفتها بكريما وزينت الفستان بالاقماع

ملاحظة: قبل ما حطيت الباربي على القاعدة الدائرية اللي هي كيكة جبت اربع مصاصات تاعت الكوكتيل وغزيتهم بالكيكة القاعدة بعدين حطبت كيكة الباربي هي والبورد على الكيكة القاعدة حتى لاتهبط الكيكة هاي بسموها الدعامات .

ثانيا: كيكة اللوتس

عملت كيكتين وحدة فانيلا والتانية شوكولاته وكل كيكة قسمتهم نصين مرة احط كيكة شوكولاته ومرة فانيلا وطبعا بين الطبقات حشيت الكيكة كريما وبالاخر الكيكة كلهع تغلفت بكريما واخر شي جبت تلات معالق زبدة اللوتس وذوبتهم بحمام مائي وحطيتهم عالكيكة كاملة وبعدين زينت الكيكة بالفراولة وببسكوت اللوتس.

ثالثا: كيكة على شكل حرف A

عملت كيكتين بصينة مستطيل

اول كيكة خليت المستطيل متل ماهو والكيكة التانية قصيتها على شكل حرف A وغلفتها بكريما وحطيت عليها سبرينكلز لون اصفر واخر شي هدا الحرف حطيته عالكيكة المستطيل وبعدين المستطيل غلفته بكريما عن طريق التنقيط

ملاحظة: الكيكة المستطيل كانت محشية فواكه وكريما

رابعا: كيكة على شكل ملعب وكرة قدم

عملت كيكة غلفتها بكريما وبعدين زينتها على شكل ملعب وكرة قدم وهاي الكيكة قبل مرة شرحت بالتفصيل طريقة عملها

خامسا: كيكة على شكل شخصية كرتونية اسمها غامبول

هاي الكيكة عملتها عن طريق الرسم بالتنقيط وكمان سبق وذكرت طريقة التزيين بالتنقيط.

 

70 تعليقاً

    • ام جاسم حبيبتي انا مابعرف ازا صورة الباربي قبل الزينة الك او لا بس،انا نسيت اكتب ملاحظة انها صورة من النت بس،لاوصلكم الفكرة
      لهيك جبت الصورة من بحث جوجل وانا مابعرف لمين
      لانه في،صبية حكتلي انه الصورة الك

    • خلص شطبت الصورة ام جاسم وحقك علي صدقا انه انا ماكنت اعرف لمين الصورة وكان قصدي بس لاشرحلهم انا كيف عملت الباربي لاني انا عملتها متلك
      و انا ما بلحق اصور الخطوات بالضبط لانه علمك لما بكون شغل كيف الوحدة بتكون معجوقة

    • نعم صحيح انا نسيت اكتب انه الباربي قبل التزيين هي صورة.من النت وانا نزلتها بس لابين كيف عملت الباربي
      لاني عملتها متل هيك بس ماصورت الخطوات
      لهيك صار سوء تفاهم وشطبت الصور

    • عادي يا امونه من وين ما خذتيها اهم شي طعم وماشاء الله شغلك مرتب كثير بس ياريت تنزلي صورة القمع الي تعملي بيه التنزين بتنقيط

  1. ما شاء الله تبارك الرحمن الله يباركلك ❤😘
    ابدااع واتقان لابعد الحدود يسلمو اديكي ويعطيكي الف عافيه الله يرزقك ويوفقك يا رب 😘😘

  2. أمونه انتي ملكة الكيك وانا بثق بوصفاتك كتييييير.. جربت كيكاتك عدة مرات و النتيجة دائماً ممتازة تسلم ايدك يا مبدعة

اترك رداً على رشا رشا إلغاء الرد

لن يتم نشر عنوان بريدك الإلكتروني.