بسكويت مغطى بالشوكولاته حلا فاخر وراقي ب3 مكونات وأسهل طريقة

100 5٬596
 

بسكويت مغطى بالشوكولاته حلا فاخر وراقي ب3 مكونات وأسهل طريقة

حلا فاخر وراقي ب3 مكونات وأسهل طريقة

بسكويت مغطى بالشوكولاته حلا فاخر وراقي ب3 مكونات وأسهل طريقة

بسكويت مغطى بالشوكولاته حلا فاخر وراقي ب3 مكونات وأسهل طريقة , معكم صديقة زاكي الشيف الموهوبة , حلو اليوم مابعرف شو قلكم يعني هههههه سهل وسريع وانيق ومبهر رغم بساطتو انا استوحيت الفكرة من وصفة المبدعة لين طمطم تبع الفول السوداني (شكراً لين حبيبتي) وعملتا عطريقتي ومامتي انبهرت فيها وجارتي فكرتني جايبتها من مخبز ناح بيتي من ارقى محلات الحلو بالمنطقة هههههه طبعاً قلتلا انو هي من محلي الوهمي المهم حبوباتي جربوها وقدموها لضيوفكم وخاصة اذا اجيت انا لعندكم ههههه ويلا نشوف المقادير♡

المقادير

  • بسكويت دايجستف
  • زبدة الفول السوداني او زبدة البندق
  • شوكولا خام

الخطوات

☆بسم الله الرحمن الرحيم☆

الطريقة سهلة وبعملة هيك بتلاقو الوصفة خالصة

لاتسألوني شو هو اللي هيك مابعرف بس هيك ستي بتقول هههههه

اول شي منبطن قالب الكب كيك او اذا مو متواجد عادي استخدمو فناجين القهوة المهم لاتدعو شيئاً يقف في طريقكم

بعدا منحط ملعقة من الزبدة او حسب قديه بدكم سماكتها

ومنحط فوقها قطعة بسكويت دايجستف ومندخلهم الفريزر لحتى يتجمدو منيح مشان نعرف نتحكم فيهم

هلأ بقى مندوب الشوكولا الخام على حمام مائي ومناكل اللي فيه النصيب بطريقنا

ومنشيل الزبدة المجمدة مع البسكوتة من القالب ومنغمسها بالشوكولا ومنرجع نبردها شوي وتوتة توتة خلصت الحدوتة

حلوة ولا فتفوتة هههههه

اللي بتقول فتفوتة بدي فتفتها واعمل فيها اكلة طيبة بتعرفو بحب الديمقراطية أنا هههههه

اذا حبيتوها جربوها ودعولي بالبركة وبحبكم انا

 

عرض التعليقات (100)