طريقة كيكة رد فلفت بالصور مليانة أنوثة وفخامة

117 7٬246

طريقة كيكة رد فلفت بالصور مليانة أنوثة وفخامة

كيكة رد فلفت مليانة أنوثة وفخامة

طريقة كيكة رد فلفت بالصور مليانة أنوثة وفخامة

طريقة كيكة رد فلفت بالصور مليانة أنوثة وفخامة , معكم صديقة زاكي الشيف الموهوبة ,

المقادير

  • 2 ونصف كوب طحين ابيض
  • نصف كوب نشا
  • 2 م.ك ممسوحة كاكاو خام
  • كوبين الا ربع سكر حبيبات
  • م.ص كربونة
  • نصف م.ص ملح
  • 5 بيض وسط او 4 كبير
  • اصبع زبدة طرية 100 غم
  • كوب زيت ذرة
  • كوب حليب خاثر ( كوب حليب سائل عليه م.ص خل ابيض)
  • م.ك خل ابيض عليه اللون الغذائي الاحمر
  • مقادير الكريما
  • كوب كريما بودرة او 4 ظرف كريما
  • 4 جبنة كيري او 4م.ك جبنة دهن بيضاء غير مملحة
  • علبة قشطة
  • فراولة للحشو
  • للتزيين:
  • ورد جوري احمر
  • تاج شعر غير مستعمل

الخطوات

السلام عليكم ورحمة الله وبركاته

من افخم الكيكات واطيبها كيكة الرد فلفت او الكيكة المخملية الحمراء ، واليوم حبيت اقدمها بتزيين قمة في الانوثة والفخامة لانها ضيافة لصبايا وكانت هالكيكة والسفرة ضيافة لصاحبات بناتي كانوا بزيارة عند بناتي والحمدلله انبسطوا كثير.

أولاً/ تجهيزات قبل البدء

—قبل كل شيء بنشعل الفرن على حرارة 180 وبنجهز صينيتين قياس 20 سم فيهم ورق زبدة او مبطنات بزيت وطحين.

—وبننخل المواد الجافة عدا السكر مع بعض الطحين والنشا والكربونات والكاكاو والملح وبنتركها على جنب.

/ملاااحظة/ كمية الكاكاو بملعقة مسطحة ماتكون كثير ممتلئة انا وقع مني كاكاو زيادة بالغلط بالخليط فطلعت خمري بدل احمر الكيكة.

—بنجهز كوب الحليب السائل مع م.ص خل ابيض وبنتركها عشر دقائق تتخثر.

—بنجهز الصبغة الحمرا جل او بودرة او سائل ويفضل المزج بين نوعين لقوة اللون مع م.ك خل ابيض.

ثانياً/ خليط الكيك

—بنبدأ بالزبدة بنخفقها مع السكر لحتى تصير كريمية وبنضيف بعدها البيض بيضة بيضة مع الفانيلا لحتة يختفي كل البيض بنبدأ نضيف كوب الزيت ونستمر بالخفق.

—بنبلش نضيف الحليب الخاثر مع الطحين بالتناوب لحتى تخلص كل الكمية.

—بنضيف الصبغة بالخل في اخر مرحلة وإذا شفتيها بحاجة لون زيادة زيدي.

—وهيك الخليط جاهز

ثالثاً/ خبز الكيك

بفضل توزعي الخليط على صينيتين نفس المقاس بيعطوكي ارتفاع افضل للكيكة.

—بتدخليهم الفرن المحمي بالرف الوسط لمدة 30—35 دقيقة.

—لا تبالغي بالخفق ولا بالخبز عشان ما تغمق الكيكة معك.

رابعاًاً/الكريما و التزيين

طبعا اجمل تزيين للكيكة الحمرا باللون الابيض والاحمر

وللكريما بتحتاجي كوب كريما شانتي او 4 ظرف دريم وب وكوب حليب باااارد جدا بتخفقي منيح لحتى يتماسك الخليط بتضيفي 4 مكعبات جبنة كيري او جبنة دهن بيضاء غير مملحة 4 ملاعق وعلبة قشطة وبتخفقيهم كلهم سوا.

—بتقطعي الكيكة طبقات متساوية إذا طلعت خميلة معك وبتحشي بين كل طبقة وطبقة كريما وانا ضفت قطع فراولة اعطتها طعم اضافي كثير زاكي. وهيك لحتى تكملي الطبقات.

—بنغلف الكيكة من برا كمان بالكريما وبنرتبها.

—حبيت ازينها بالورد الجوري الاحمر ففرطت وردة بعد ماغسلتها ونشفتها ولزقت بتلاتها على جوانب الكيكة ومن فوق الكيكة حطيت 3 وردات الكبيرة صناعية بس الثانيات طبيعي.

—وحطيت تاج انثوي كثير حلو اعطى انوثة ونعومة للكيكة . طبعا تاج جديد غير مستعمل.

—بتمنى تكونوا استمتعتوا بخطوات هالوصفة لاني حسيتها قصة مش وصفة ههههه وبتمنى تجربوها كثير طيبة ومختلفة عن الكيك العادي.

—لا تنسوني بدعوة لي ولاولادي.

عرض التعليقات (117)