طريقة المعمول الهش الناجح كل عام والجميع بالف خير

226 49٬319
 

طريقة المعمول الهش الناجح كل عام والجميع بالف خير

معمول ناجح وهش كل عام والجميع بالف خير

طريقة المعمول الهش الناجح كل عام والجميع بالف خير

طريقة المعمول الهش الناجح كل عام والجميع بالف خير , معكم صديقة زاكي الشيف الموهوبة ,

المقادير

  • كيلو سميد
  • كوب طحين
  • كوب سمنه سايحه وحاره قليلا
  • كوب زبده سايحه وحاره قليلا
  • نصف كوب سكر
  • نصف كوب حليب بودره
  • معلقه صغيره خميره
  • نص معلقه صغيره محلب
  • معلقتين كبار كلفه الكعك
  • معلقه كبيره يانسون مطحون
  • معلقه كبيره شومر مطحون
  • كوب ونص ماء دافى او حليب سائل

الخطوات

نضع السميد والطحين وبهار ويانسون والشومر والحليب والسمنه السايحه والزبده السايحه ونبس منيح من دون اي سوائل ونتركه يوم او يومين

ونبس كل كم ساعة وهالخطوه كثير مهمه لنحصل على معمول هش

عند التجهيز فقط نذوب الخميرة بنصف كاسة ماء دافي من كميه الماء او الحليب السائل المذكوره بالمقادير وبنضيف المحلب والسكر ونضيف ماء فاتر الى ان تصبح العجينة طريه وسهله التشكيل

وبس ترتاح العجينة نصف ساعة وبنقطعها دوائر صغيرة نحشها بدوائر التمر ونرصها بالقالب او ننقشها بملقط المعمول ونصفها بالصينية وبنريحها ربع ساعه قبل الخبز ونضعها بالفرن تحمير من الاسفل ثم من الاعلى على نار هاديه تقريبا 180 درجه لمده ربع ساعه

الحشوه

اي نوع مكسرات مجروشه خشن حسب الرغبه وسكر مطحون او

باكيت عجوة بنحط عليها اربع معالق ك سمسم وملعقتين ص قرفة وملعقتين ص زبدة ونعجنيهن ونجهزهن دوائر صغيرة

ملاحضه مهمه المفروض السمنه والزبده يكونو سخنين شوي يعني الي يادوب الايدين يطيقو حرارتهم ليسهل امتصاص السميد للدهن

صبايا في ملاحضه مهمه نسيت اذكرها وخصوصي للي بشكلو المعمول بالقوالب بنعمل خرم صغيره بمساعده نكاشه الاسنان بوسط حبات المعمول قبل الخبز مباشره وهالشي بساعد البخار يطلع من غير ميغير رسمه القالب وبتضل الرسمه محفوره حفر

كل عام وانتو بالف الف خير بمناسبه حلول الشهر الكريم ينعاد علينا وعليكو بالخير واليمن والبركه

تحياتي الكم رشا ام احمد ❤

عرض التعليقات (226)