رولات الدجاج بالجبنة ملكة رمضان

149 10٬760
 

رولات الدجاج بالجبنة ملكة رمضان

رولات الدجاج بالجبنة ملكة رمضان

رولات الدجاج بالجبنة ملكة رمضان

رولات الدجاج بالجبنة ملكة رمضان, معكم صديقة زاكي الشيف الموهوبة ,

المقادير

  • دجاجة مخليه من العظم ومفرومة شرائح
  • بصل
  • ملح وفلفل
  • كزبرة ناشفة
  • هيل مطحون
  • بهارات دجاج
  • نصف كوب دبس رمان
  • جبنة شيدر او موزريلا
  • للطبقة المقرمشة
  • كمية من البقسماط او كعك غير محلى مطحون
  • 3 بيض مع رشة ملح وفلفل
  • خبز لبناني رقيق
  • زيت للقلي

الخطوات

رولات الدجاج بالجبنة مع تفريزه ملكة رمضان

السلام عليكم ورحمة الله وبركاته

من ألذ المقبلات واسهلها على الاطلاق هالرولات اللطيفة والسريعة .

أولاً/ تحضير الحشوة

بنقطع دجاجة مخليه من العظم لشرائح صغيرة وبنقلبها عالغاز مع بصلة صغيرة وملح وفلفل ورشة كزبرة ناشفة ورشة هيل مطحون وبهارات دجاج وبنقلبها مزبوط وبعدين بنضيف نصف كوب دبس رمان وبنقلب لحتى يتنشف الدجاج ويتحمر بتكون الحشوة جاهزة.

ثانياً/ تجهيز خليط التغليف

بنخفق 3 بيض مع رشة ملح ورشة فلفل بصحن واسع

وبصحن ثاني بنجهز بقسماط او كعك مطحون غير محلى انا طحنت كعك من عندي من البيت بس شلت السمسم عنه

ثالثاً/ لف الرولات

بنحتاج خبز عادي رقيق يكون وبنقطعه مثلثات وبنفتح الطبقتين لكل مثلث وبنحط بجهة المثلث العريضة من الحشوة وفوقها جبنة وبنلفيها من الجوانب بالاول بعدين بنرولها للاخر زي ورقة العنب يعني.

—هون بدك تضلي ماسكه الرول عشان مايفلت وبتغمسيه بالبيض وانتي ماسكيته لا تتركيه وبعد البيض عالبقسماط مع الضغط عالرول كويس هون خلص بكون لصق بتحطيه بصينية على جنب وبتكملي كل الكمية بنفس الطريقة.

ملاحظة/

بس تكملي طبقة الصينية الاولى حطي فوقهم طبقة بلاستيك كيس تفريز مفتوح وفوقه الطبقة الثانيه عشان ما يلزقوا ببعض.

رابعاً/ التفريز

بتفرزيهم بنفس الشكل اللي رتبتيهم عليه جنب بعض واذا ذبقتين بينهم بلاستيك وعالفريزر لثاني يوم بتطلعيهم وبتوزعيهم على اكياس زي مابدك بكونوا جمدوا خلص.

خامساً/ القلي

بتقلي الرولات بزيت ساخن وبعدين بتخفضي النار للوسط لحتى يتحمروا .

ملاحظة/ اذا كان مفرز من الفريزر عالزيت وهمه مجمدين.

واذا مابدك تجمديهم وبدك تقليهم على طول لازم تبرديهم ساعة بالفريزر قبل القلي عشان مايفكوا.

*الدجاجة عملت حوالي 30 رول

وصحة وهنا

عرض التعليقات (149)